Էլեկտրամագնիսական կոնտակտոր, էլեկտրական ապարատ՝ հաստատուն և փոփոխական հոսանքի էլեկտրական ուժային շղթաների հաճախակի միացումների և անջատումների համար (մինչև 1500 փոխանջատում մեկ ժամում)։ Կիրառվում է էլեկտրական մեքենաների և ապարատների կառավարման համար, երբ հոսանքի ուժը չի գերազանցում 1 կԱ։
Էլեկտրամագնիսական կոնտակտորի հիմնական տարրերն են՝ գլխավոր կոնտակտները, աղեղմարիչ հարմարանքը և հաղորդակը (սովորաբար էլեկտրամագնիսական)։ Կարճ միացված ասինխրոն շարժիչների համար նախատեսված էլեկտրամագնիսական կոնտակտորները կոչվում են մագնիսական գործարկիչներ։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 5, էջ 582)։
