Բենիամին Երեց

Բենիամին Երեց (ծն․ և մահ․ թթ․ անհտ․), V դարի առաջին կեսի գրական ու կրթական գործիչ։

Աշակերտել է Մեսրոպ Մաշտոցին։ Սյունիքից հրավիրվել է Աղվանք, թարգման ծառայել Մեսրոպ Մաշտոցին, որը նրա (ոմանց կարծիքով նաև Անանիա եպիսկոպոսի) օգնությամբ հորինել է աղվանական գիրը։ Դրանից հետո Բենիամին Երեցը Աղվանքում շարունակել է զբաղվել ուսուցչությամբ և թարգմանությամբ։

Գրականություն

Մովսես Խորենիացի, Հայոց պատմություն, Ե․, 1968։
Կորյուն, Վարք Մաշտոցի, 1962։
Ստեփանոս Օրբելյան, Պատմութիւն նահանգին Սիսական, Թ․, 1910։
Աճառյան Հ․, Հայոց գրերը, Ե․, 1968։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 2, էջ 393)։