Արամ Հաջիյան
| Արամ Հաջիյան | |
|---|---|
| Անձնական տեղեկություն | |
| Սեռ՝ | արական |
| Մասնագիտացում՝ | դահուկորդ |
| Երկիր՝ |  Հայաստան |
| Ծննդյան ամսաթիվ՝ | մայիսի 4, 1979 (45 տարեկան) |
| Ծննդավայր՝ | Լենինական, Հայկական ԽՍՀ, ԽՍՀՄ |
| Հասակ՝ | 170 սանտիմետր |
| Քաշ՝ | 56 կիլոգրամ |
Արամ Հաջիյան (մայիսի 4, 1979, Լենինական, Հայկական ԽՍՀ, ԽՍՀՄ), հայ դահուկորդ, 2002 թվականի ձմեռային օլիմպիական խաղերի մասնակից։ Առաջին տղամարդն է, ով Հայաստանը ներկայացրել է ձմեռային օլիմպիական խաղերի դահուկավազքի մրցումներում։
Կենսագրություն
[խմբագրել | խմբագրել կոդը]Արամ Հաջիյանը ծնվել է 1979 թվականի մայիսի 4-ին Լենինական (այժմ՝ Գյումրի) քաղաքում։
2002 թվականին ընդգրկվել է Հայաստանի հավաքականում Սոլթ Լեյք Սիթիում կայացած ձմեռային օլիմպիական խաղերում։ Հանդես է եկել դահուկավազքում, մասնակցել է հինգ վազքատարածության[1]։
1,48 կմ արագավազքում նա որակավորման փուլում 3 րոպե 24,89 վայրկյան արդյունքով զբաղեցրել է 62-րդ տեղը՝ 31,02 վայրկյան զիջելով քառորդ եզրափակչի ուղեգիր նվաճած մասնակիցներից վատագույն ժամանակ ցույց տված ֆինն Հաննու Մանինենին[2] ։
Դասական ոճով 15 կմ մրցատարածությունում նա 46.42,9 արդյունքով գրավել է վերջին՝ 66-րդ տեղը՝ 9 րոպե 35,5 վայրկյան զիջելով հաղթող էստոնացի Անդրուս Վեերպալուին[3]։
Ազատ ոճով զանգվածային մեկնարկով 30 կմ մրցատարածությունում Հաջիյանը 1 ժամ 24 րոպե 7,5 վայրկյան արդյունքով գրավել է 62-րդ տեղը՝ 12 րոպե 36,5 վայրկյան զիջելով հաղթող ավստրիացի Քրիստիան Հոֆմանին[4]։
Դասական ոճով 50 կմ մրցատարածությունում նա 2:48.48,1 վայրկյան արդյունքով զբաղեցրել է նախավերջին՝ 56-րդ տեղը՝ 42 րոպե 27,3 վայրկյան զիջելով հաղթող ռուսաստանցի Միխայիլ Իվանովին[5]։
10+10 կմ հետապնդման մրցավազքում Արամ Հաջիյանը նախնական փուլում 31.52,7 արդյունքով զբաղեցրել է 71-րդ տեղը և չի հայտնվել եզրափակչի 60 մասնակիցների թվում՝ 2 րոպե 48,1 վայրկյան հետ մնալով որակավորման վատագույն արդյունք ցույց տված չեխ Միլան Շպեռլից[6]։
Հաջիյանն առաջին տղամարդն է, ով Հայաստանը ներկայացրել է ձմեռային օլիմպիական խաղերի դահուկավազքի մրցումներում[7]։
Ծանոթագրություններ
[խմբագրել | խմբագրել կոդը]- ↑ «Olympedia – Aram Hadzhiyan». www.olympedia.org. Վերցված է 2020 թ․ դեկտեմբերի 18-ին.
- ↑ «Olympedia – Sprint, Freestyle, Men». www.olympedia.org. Վերցված է 2020 թ․ դեկտեմբերի 18-ին.
- ↑ «Olympedia – 15 kilometres, Classical, Men». www.olympedia.org. Վերցված է 2020 թ․ դեկտեմբերի 18-ին.
- ↑ «Olympedia – 30 kilometres, Mass Start, Freestyle, Men». www.olympedia.org. Վերցված է 2020 թ․ դեկտեմբերի 18-ին.
- ↑ «Olympedia – 50 kilometres, Classical, Men». www.olympedia.org. Վերցված է 2020 թ․ դեկտեմբերի 18-ին.
- ↑ «Olympedia – 10/10 kilometres Pursuit, Men». www.olympedia.org. Վերցված է 2020 թ․ դեկտեմբերի 18-ին.
- ↑ «Olympedia – Armenia in Cross Country Skiing». www.olympedia.org. Վերցված է 2020 թ․ դեկտեմբերի 18-ին.
|
