SOLID

Վիքիպեդիայից՝ ազատ հանրագիտարանից
Jump to navigation Jump to search

Օբյեկտ-կողմնորոշված ծրագրավորման մեջ SOLID֊ը ծրագրավորման 5 գործելակերպերի մնեմոնիկ հապավում է, որը նպատակ ունի ծրագրային մշակումը դարձնել ավելի հասկանալի, ճկուն և կառավարելի։ Այս սկզբունքները ենթաբազմություն են այն բազմաթիվ սկզբունքների, որ առաջ են քաշվել ամերիկացի ծրագրային ապահովման ճարտարագետ և դասախոս Ռոբերտ Ս․ Մարտինի[1] կողմից առաջին անգամ ներմուծված 2000 թ․֊ի իր Նախագծման սկզբունքներ և նախագծման ձևանմուշներ հոդվածում[2]

SOLID սկզբունքները հետևյալն են․

Միակ պատասխանատվության սկզբունք[խմբագրել | խմբագրել կոդը]

Յուրաքանչյուր դաս պետք է լուծի միայն մեկ խնդիր։ Դասը պետք է պատասխանատու լինի միայն մեկ խնդրի լուծման համար[3]։

Բաց-փակ սկզբունք[խմբագրել | խմբագրել կոդը]

Ծրագրային սուբյեկտները (դասեր, մոդուլներ, ֆունկցիաներ) պետք է բաց լինեն ընդլայնման համար, փակ լինեն փոփոխությունների համար[4]։

Լիսկովի փոխարինման սկզբունք[խմբագրել | խմբագրել կոդը]

Անհրաժեշտ է, որ ժառանգ դասերը կարողանան փոխարինել ծնող դասերին։ Այս սկզբունքի նպատակը կայանում է նրանում, որ ժառանգ դասերը կարող են օգտագործվել ծնող դասերի փոխարեն, որոնցից նրանք ձևավորվում են՝ առանց խափանելու ծրագիրը[5]։

Ինտերֆեյսի առանձնացման սկզբունք[խմբագրել | խմբագրել կոդը]

Ծրագրային ապահովման սուբյեկտները չպետք է կախված լինեն այն մեթոդներից, որոնք նրանք չեն օգտագործում[6]։

Կախվածության ինվերսիայի սկզբունք[խմբագրել | խմբագրել կոդը]

Կախվածության առարկան պետք է լինի աբստրակցիա, այլ ոչ թե կոնկրետություն.

  1. Վերին մակարդակի մոդուլները չպետք է կախված լինեն ցածր մակարդակի մոդուլներից։ Երկուսն էլ պետք է կախված լինեն աբստրակցիաներից։
  2. Աբստրակցիաները չպետք է կախված լինեն դետալներից։ Դետալները պետք է կախված լինեն աբստրակցիաներից[7]։

Ծանոթագրություններ[խմբագրել | խմբագրել կոդը]

  1. Martin Robert C. (Dates back to at least 2003)։ «Principles օf Ood»։ butunclebob.com։ Robert C. Martin։ Վերցված է 2021-03-22 
  2. Martin, Robert C. (2000)։ «Design Principles and Design Patterns»։ Արխիվացված է օրիգինալից 2015-09-06-ին 
  3. «Wayback Machine»։ web.archive.org։ 2015-02-02։ Վերցված է 2021-03-22 
  4. «Wayback Machine»։ web.archive.org։ 2015-09-05։ Վերցված է 2021-03-22 
  5. «Wayback Machine»։ web.archive.org։ 2015-09-05։ Վերցված է 2021-03-22 
  6. «Wayback Machine»։ web.archive.org։ 2015-09-05։ Վերցված է 2021-03-22 
  7. «Wayback Machine»։ web.archive.org։ 2015-09-05։ Վերցված է 2021-03-22 

Արտաքին հղումներ[խմբագրել | խմբագրել կոդը]

Tcharoyan Artak (2020-05-09)։ «SOLID»։ Medium (հայերեն)