SNMP (անգլ.՝ Simple Network Management Protocol, ցանցի պարզ ղեկավարման հաղորդակարգ), ստանդարտ ինտերնետային հաղորդակարգ՝ IP ցանցերում սարքավորումների ղեկավարման համար TCP/UDP կառուցվածքի հիման վրա։ SNMP-ի հետ համատեղելի սարքավորումների շարքին են դասվում երթուղիչները, փոխարկիչները, սերվերները, կայանները, տպիչ սարքերը, մոդեմային կանգնակները և այլն[1]։ Հաղորդակարգը սովորաբար օգտագործվում է ցանցին միացված սարքավորումների ցանցային ղեկավարման և վերահսկման համար այն պարագայում, երբ պահանջվում է ադմինիստրատորի ուշադրությունը։