Քարդաշևի սանդղակ

Վիքիպեդիայից՝ ազատ հանրագիտարանից
Jump to navigation Jump to search
Քարդաշևի սանդղակով սահմանված 3 քաղաքակրթությունների էներգիայի օգտագործման նկարագիր

Քարդաշևի սանդղակ, քաղաքակրթության տեխնոլոգիական առաջընթացի չափման մեթոդ, որը հիմնված է քաղաքակրթության օգտագործած էներգիայի քանակի վրա: Այն առաջարկվել էր Խորհրդային Միության աստղագետ Նիկոլայ Քարդաշևի կողմից ՝ 1964 թվականին:

Սանդղակն ունի 3 կատեգորիա՝ l տիպի քաղաքակրթություն, որը կոչվում է նաև մոլորակային քաղաքակրթություն: Այսինքն ՝ քաղաքակրթությունը կարող է օգտագործել և տնօրինել մոլորակի ամբողջ էներգետիկ ռեսուրսները: [1]

Այսպիսով՝ հնարավորություն ունենալ կառավարել մոլորակի ողջ էներգիան նշանակում է կառավարել բնության ուժերը:

Մարդիկ կկարողանան կառավարել հրաբուխները, եղանակը և նույնիսկ երկրաշարժերը: Այսպիսի մտքերին դժվար է հավատալ, բայց համեմատած այն առավելություններին, որոնք դեռ կընձեռնվեն l տիպի քաղաքակրթության հասնելուց հետո, սրանք պարզապես դառնում են հիմնական մակարդակի խնդիրներ:

II տիպի քաղաքակրթություն, որը կոչվում է նաև աստղային քաղաքակրթություն: Այն կարող է օգտագործել և տնօրինել իր ծնող աստղի ամբողջ էներգիան: II տիպի քաղաքակրթության ամենատարածված հիպոթետիկ գաղափարներից է Dyson Sphere սարքը, որը կհավաքի աստղի ամբողջ էներգիան և կփոխանցի Երկիր մոլորակին:

III տիպի քաղաքակրթություն, որը նաև կոչվում է գալակտիկական քաղաքակրթություն: Այն կարող է կառավարել ողջ գալակտիկայի էներգիան: Այս էտապում մարդիկ կկարողանան զարգացնել ռոբոտների գաղութները, որոնք հնարավորություն կունենան ինքնավերարտադրվելու: Նրանց թիվը կարող է հասնել միլիոնների՝ տարածվելով ամբողջ գալակտիկայով մեկ և գաղութացնելով աստղերը, Ռոբոտները նույնիսկ կկարողանան կառուցել Dyson Spheres ` ստեղծելով հսկայական ցանց, որը կկարողանա ուղղորդել էներգիան դեպի Երկիր մոլորակ:[2]

Այսօրվա դրությամբ մարդիկ դեռ չեն հասել առաջին տիպի քաղաքակրթությանը: Ֆիզիկոս և ֆուտուրիստ Միչիո Կակուն կանխատեսել է, որ մարդիկ կհասնեն առաջին տիպին 100-ից 200 տարի հետո: Երկրորդ տիպին՝ մի քանի հազար տարուց և երրորդ տիպին կհասնեն 100 000-ից մինչև միլիոն տարի հետո:

Ծանոթագրություններ[խմբագրել | խմբագրել կոդը]

  1. «Kardashev scale» (անգլերեն)։ 2018-10-22 
  2. «The Kardashev Scale – Type I, II, III, IV & V Civilization»։ Futurism (en-US)։ 2014-07-19։ Վերցված է 2018-10-28