Քաղաքացիական պատերազմի տարիներին զոհվածների հուշարձան (Կրասնի Սուլին)

Վիքիպեդիայից՝ ազատ հանրագիտարանից
Jump to navigation Jump to search
Picto infobox architecture.png
Քաղաքացիական պատերազմի տարիներին զոհվածների հուշարձան
Կոորդինատներ47°52′59″ հս․ լ. 40°07′59″ ավ. ե.HGЯO
Գտնվում էԿրասնի Սուլին
Կառուցվել է1920
Շինության ձևըՄետաղյա կոթող
Կառուցել էՍուլին կայարանի վագոնային դեպո
Ներկա վիճակըկանգուն

Քաղաքացիական պատերազմի տարիներին զոհվածների հուշարձան (ռուս.՝ Памятник погибшим в годы Гражданской войны), հուշարձան Ռուսաստանի Ռոստովի մարզի Կրասնի Սուլինի շրջանի և Կրասնոսուլինսկի քաղաքային շրջանի վարչական կենտրոն Կրասնի Սուլին քաղաքի Ռակով ավանից 1 կմ հեռավորության վրա։ Այն նվիրված է 1917-1922 թվականների Ռուսաստանի քաղաքացիական պատերազմի ընթացքում զոհվածներին։ Տեղադրվել է 1920 թվականին[1]։

Պատմություն[խմբագրել | խմբագրել կոդը]

Քաղաքացիական պատերազմի տարիներին զոհվածների հուշարձանը, որը եղբայրական գերեզման է, տեղադրվել է 1920 թվականի նոյեմբերի 5-ին՝ Ռոստովի մարզի Կրասնի Սուլին քաղաքի Ռակովո ավանից 1 կմ հեռավորության վրա գտնվող բլրի վրա[1]։

Հուշարձանը գլանաձև մետաղյա կոթող է, որի վերնամասը կոնաձև է։ Ամբողջ հուշարձանը ներկված է կապույտ, իսկ գմբեթի մասը և այն պսակող հնգաթև աստղը՝ կարմիր։ Եռակցված է խողովակներից և երկաթից։ Այս հուշարձանի հեղինակը Սուլին երկաթուղային կայարանի վագոնային դեպոն է[1]։

Ռուսաստանի քաղաքացիական պատերազմի ընթացքում 1918 թվականին սպիտակգվարդիականների հետ մարտերում զոհվել է կարմիր բանակի 35 զինծառայող։ Նրանց ազգանունները պարզված չեն։ Հենց նրանց հիշատակին էլ նվիրված է այս կոթող-հուշարձանը։ Հուշարձանի շուրջը օղակաձև արված է հետևյալ գրությունը. «Հավերժ փառք հեղափոխության գործի համար զոհված մարտիկներին»[1]։ Դեպի հուշարձանը տանում են աստիճաններ։

Ծանոթագրություններ[խմբագրել | խմբագրել կոդը]