Ցակոնի կամարային կամուրջ
 | |
|---|---|
 | |
| Երկիր |  Հունաստան |
| Տեղանք | Oichalia Municipality? |
| Տեսակ | կամարաձև կամուրջ |
| Թռիչքների քանակ | 2 |
| Երկարություն | 490 մետր |
| Լայնություն | 27 մետր |
| Բացման տարեթիվ | հունվարի 27, 2016 |
 | |
 | |
Ցակոնի կամարային կամուրջ (հուն․՝ Τοξωτή Γέφυρα Τσακώνας), աշխարհի ամենամեծ բազմաթռիչք կամարային կամուրջներից է, որը գտնվում է Հունաստանում, Մեգալոպոլիս քաղաքի մոտ և հատում է Ցակոնի հովիտը։ Այն գտնվում է վտանգավոր տարածքում, որտեղ վերջին մի քանի տասնամյակների ընթացքում տեղի են ունեցել բազմաթիվ սողանքներ[1][2][3]։
Ցակոնի կամրջի երկարությունը 490 մետր է[1]։ Սա Պարադեսիա-Ցակոնա և Տրիպոլիս-Կալամատա տրանսպորտային գծերի շինարարության շղթայում վերջին կառույցն էր։ Շինարարությունն իրականացրել է «Մորեաս» կոնսորցիումը Հունաստանի կառավարության աջակցությամբ։ Նախագծի մշակողը Նիկոդս Դոնասն է եղել, ով այն անվանեց «Քաջություն»։ Կամուրջը համարվում էր ամենադժվար ինժեներական նախագծերից մեկը՝ Խարիլաոս Տրիկուպիս կամրջից հետո։ Շինարարության ընթացքում առաջացած խնդիրների պատճառով ծրագրի արժեքը 94-ից հասել է 131,5 միլիոն եվրոյի[4]։
Կամուրջը հենված է երեք տեղերում՝ կամրջի ծայրերում և կամրջի կենտրոնում՝ սյան վրա, և կենտրոնական սյան հենակետն է, որը ապահովում է կամրջի կայունությունը։ Կամրջի կամարը սկսվում է սյունից և հասնում 30 մետր բարձրության։ Կամրջի կենտրոնից սկսող երկու կամարները պահում են կամրջի մետաղական հատվածը, որի վրա գտնվում է ճանապարհը[5]։ Կամուրջով անցնելը վճարովի է։ Կամրջի շինարարությունն իրականացվել է 2008 թվականից մինչև 2016 թվականը[1]. Փաստացի բացումը տեղի է ունեցել 2016 թվականի հունվարին, պաշտոնականը՝ փետրվարի 28-ին։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 Tsakona Bridge Τ4 Domi S.A.(անգլ.)
- ↑ One of the World's Largest Arch Bridges Built in Greece, By Ioanna Zikakou, Aug 30, 2014, GreekReporter.com (անգլ.)
- ↑ Tsakona Bridge 2nd Largest in Greece to Open Shortly, By Toni Aravadinos, Dec 17, 2015, GreekReporter.com (անգլ.)
- ↑ Εντυπωσιάζει η γέφυρα της Τσακώνας | Ελλάδα | Η ΚΑΘΗΜΕΡΙΝΗ (հուն.)
- ↑ «Αυτοκινητόδρομος Μορέας: Στο τελικό στάδιο η μεταλλική γέφυρα στην Τσακώνα» (հունարեն). Արխիվացված է օրիգինալից 2014 թ․ սեպտեմբերի 4-ին. (հուն.)