Տղմաձուկ

Տղմաձուկ (Amia calva), ամիա, ոսկրային գանոիդների վերնակարգի տղմաձկների ընտանիքի միակ ժամանակակից ներկայացուցիչը։

Նկարագրություն

Մարմնի երկարությունը մինչև 60 սմ է։ Թեփուկները ցիկլոիդային են, լողափամփուշտը բազմախորշ է։

Տարածվածություն

Տարածված է Հյուսիսային Ամերիկայի ծանծաղ, ճահճոտ ջրավազաններում։

Կերը

Սնվում է անողնաշարավորներով, մանր ձկներով։

Բազմացումը

Ձվադրում է գարնանը. էգը դնում է 20-70 հազար ձու։ Արուն բույն է պատրաստում և պահպանում ձկնկիթն ու մատղաշներին։ Թրթուրները գլխի վրա ունեն ցեմենտային օրգան, որով ամրանում են բնի պատերին։

Օգտագործումը

Արդյունաբերական նշանակություն համարյա չունի։

Վիքիցեղերն ունի նյութեր, որոնք վերաբերում են «Տղմաձուկ» հոդվածին։

Վիքիպահեստն ունի նյութեր, որոնք վերաբերում են «Տղմաձուկ» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 12, էջ 22)։