Վիքիպեդիա:ՎիքիՆախագիծ Ուղեգիծ/Հաքաթոն/Վիքիպեդիա:Նշանակալիություն

Նշանակալիությունը փորձարկում է, որը Վիքիպեդիայում կիրառվում է խմբագիրների կողմից՝ պարզելու համար, արդյոք թեման պետք է սեփական հոդվածն ունենա, թե ոչ։ Վիքիպեդիայում տեղադրված ինֆորմացիան պետք է վավերացման ենթակա լինի. եթե տվյալ թեմայով հուսալի կողմնակի աղբյուրներ չկան, ապա նրան չպետք է առանձին հոդված տրամադրվի։ Վիքիպեդիայի «Նշանակալիություն» հասկացությունը ենթարկվում է այս տարրական չափանիշին՝ հոդվածների անկարգ ավելացումը կանխելու համար։ Հոդվածներն ու ցուցակ-թեմաները պետք է նշանակալի լինեն, «արժանի ուշադրության»։ Նշանակալիությունը որոշելը պարտադիր չի, որ կախված լինի այնպիսի բաներից, ինչպիսիք են հայտնիությունը, կարևորությունը կամ մասսայականությունը, չնայած այդպիսիք կարող են մեծացնել ստորև բերված կանոններին համապատասխանող թեմայի ընդունելիությունը։

Ենթադրվում է, որ թեման հոդվածի կշիռ ունի, եթե այն համապատասխանում է ստորև բերված ընդհանուր նշանակալիության չափանիշներին, ու չի բացառվաում Ինչը Վիքիպեդիա չէ հոդվածով։ Բացի դրանից, թեման նշանակալի է համարվում նաև այն դեպքում, երբ այն համապատասխանում է աջակողմյա բաժնում թվարկված առարկայական ուղեցույցին։

Նշանակալիության այս կանոնները միայն ուրվագծում են, թե որքանով է թեման նպատակահարմար սեփական հոդվածի կամ ցուցակի համար։ Պարունակության շուրջ Վիքիպեդիայի քաղաքականությանը ծանոթանալու համար տե՛ս Չեզոք տեսակետ, Վավերականություն, Ոչ մի սկզբնական հետազոտություն, Ինչը Վիքիպեդիա չէ ու Կենդանի մարդկանց կենսագրություններ հոդվածները։

Նշանակալիության ընդհանուր ուղեցույց

Եթե թեման բավականաչափ լուսաբանվել է սուբյեկտից անկախ հուսալի աղբյուրների կողմից, ապա ենթադրվում է, որ այն բավալարում է անկախ հոդվածի կամ ցուցակի ներառման չափանիշներին։

• «Բավականաչափ լուսաբանվել է» նշանակում է, որ աղբյուրներն ուղղակիորեն մանրամասն անդրադառնում են սուբյեկտին, այնպես որ պարունակություն ստանալու համար կարիք չկա սկզբնական հետազոտություն իրականացնել։ Բավականաչափ լուսաբանվելն ավելին է, քան աննշան հիշատակումը, բայց կարիք չկա, որ այն լինի աղբյուր հանդիսացող նյութի գլխավոր թեման։
• «Հուսալի» նշանակում է, որ աղբյուրները խմբագրական ամբողջականության կարիք ունեն ու հնարավորություն են տալիս նշանակալիության վավերական գնահատում իրականացնել՝ աղբյուրի նշանակալիության ուղեցույցին համապատասխան։ Աղբյուրներն իրենց մեջ կարող են ներառել ցանկացած ձևի, ֆորմատի ու լեզվի հրատարակված աշխատանքներ։ Թեման լուսաբանող երկրորդային աղբյուրների առկայությունը նշանակալիության լավ փորձարկում է։
• Նշանակալիության նկատառումներով «աղբյուրները» պետք է երկրորդային աղբյուրներ լինեն, քանի որ հենց դրանք են տրամադրում նշանակալիության ամենաանկողմնակալ վկայությունը։ Հուսալի աղբյուրների պահանջվող քանակն ու բնույթը կարող են տարբեր լինել՝ կախված լուսաբանման խորությունից ու աղբյուրների որակից: Ընդհանուր դեպքում պահանջվում են մեկից ավելի աղբյուրներ: Նույն հեղինակի կամ կազմակերպության մեկից ավելի հրատարակությունները նշանակալիության հաստատման տեսանկյունից սովորաբար դիտարկվում են որպես մեկ աղբյուր: