Վիքիպեդիա:Ձմեռային Վիքիճամբար 2017
Ձմեռային Վիքիճամբար 2017
Բարի գալո՜ւստ Ձմեռային Վիքիճամբար 2017։ Սիրելի՛ պատանիներ,
Վիքիմեդիա Հայաստան գիտակրթական հասարակական կազմակերպությունը 2017 թվականի հունվարի 5-10-ը 11-17 տարեկան պատանիների համար կազմակերպում է Վիքիճամբար Աղվերանում:
Վիքիճամբարին կարող են մասնակցել 11-17 տարեկան պատանիներ, ովքեր խմբագրում են Վիքիպեդիայում, Վիքիբառարանում: Ճամբարի ընթացքում ճամբարականները Վիքիպեդիայի փորձառու խմբագիրների օգնությամբ Հայերեն Վիքիպեդիայում և Վիքիբառարանում կստեղծեն հոդվածներ և կկատարեն թարգմանություններ անգլերեն, ռուսերեն և այլ Վիքիպեդիաներից։ Ինչպես միշտ կազմակերպվելու են հետաքրքիր ինտելեկտուալ և մարզական մրցույթներ, ժամանցային խաղեր։
Հայտնի է, որ անհատը իր գիտելիքների 75% ստանում է առաջադրանք կատարելիս, ակտիվ ստեղծագործելիս, ուստի Վիքիպեդիայում համապատասխան հոդված ստեղծելը կամ բարելավելը թեմային գերազանց տիրապետելու լավագույն եղանակն է։ Վիքիմեդիա Հայաստանը նպատակ ունի կատարելով սովորելու նորարական այս մոտեցումը հասանելի դարձնել Հայաստանի բոլոր պատանիների համար:
Սիրելի՛ պատանիներ, Վիքիմեդիա Հայաստանը սիրով սպասում է ձեզ: