Վիկկա

Վիքիպեդիայից՝ ազատ հանրագիտարանից
Հնգագիծը վիկկայի հետևորդների խորհրդանշաններից է

Վիկկա (անգլ.՝ Wicca, ˈwɪkə), արևմտյան նորհեթանոսական կրոն, որի հիմքում ընկած է բնության պաշտամունքը[1]։ Այն տարածվել է 1954 թվականին Ջերալդ Գարդների շնորհիվ, որը պաշտոնաթող եղած անգլիացի պետական ծառայող էր, և այդ ժամանակ նա այդ կրոնն անվանեց կախարդություն (անգլ.՝ Witchcraft)։ Նա պնդում էր, որ կրոնը, որին ինքը հաղորդակից էր, հնագույն կախարդության ժամանակակից փրկված կրոնն է, որը գաղտնի գոյություն է ունեցել հարյուրամյակների ընթացքում՝ հիմքում ունենալով մինչքրիստոնեական եվրոպական հեթանոսությունը։ Գարդների պնդման ճշմարտացիությունը միանշանակ ապացուցված չէ, այդ իսկ պատճառով համարվում է, որ վիկկայական աստվածաբանությունը առաջ է եկել վաղ 1920-ական թվականներին։ Հետևորդների կարծիքով վիկկայի արմատները դարերի խորքում են՝ մինչպատմական Մայր երկրի և Մեծ աստվածուհու պաշտամունքում[2]։

Վիկկայականները (վիկկաններ) հիմնականում երկրպագում են Աստծուն[3] (ավադաբար եղջյուրավոր աստծուն) և Աստվածուհուն (ավանդաբար Եռակի աստվածուհուն), որոնք երբեմն հանդես են գալիս որպես բարձրագույն պանթեիստական Աստվածության մասեր, որը դրսևորում է իրեն տարբեր բազմաստվածային կերպարներում։ Վիկկայում հատուկ են ծիսական կախարդությունների կիրառումը, ազատ բարոյական նորմերը և Տարվա անիվի 8 տոների նշումը։

Ծանոթագրություններ[խմբագրել | խմբագրել կոդը]

  1. http://www.cog.org/wicca/about.html#PHIL - «Wicca, or Witchcraft, is an earth religion — a re-linking (re-ligio) with the life-force of nature, both on this planet and in the stars and space beyond»
  2. Simos, 1999
  3. Farrar, Janet (1989). The Witches' God: Lord of the Dance. London: Hale. էջ 170-171. ISBN 0-7090-3319-2. OCLC 59693966. 

Արտաքին հղումներ[խմբագրել | խմբագրել կոդը]