Վերմիկ Եփրեմյան

Վիքիպեդիայում կան հոդվածներ Եփրեմյան ազգանունով այլ մարդկանց մասին։

Վերմիկ Եփրեմյան
Ծնվել է	1924
Ծննդավայր	Հայկավան, Հայաստան
Կրթություն	Երևանի Մխիթար Հերացու անվան Պետական Բժշկական Համալսարան
Մասնագիտություն	բժիշկ
Պարգևներ	և Հայկական ԽՍՀ վաստակավոր բժիշկ

Վերմիկ Հմայակի Եփրեմյան (1924, Հայկավան, Հայաստան), հայ բժիշկ, Երկրորդ աշխարհամարտի մասնակից, ՀԽՍՀ վաստակավոր բժիշկ (1960):

Կենսագրություն

1940 թվականին ավարտել է հարևան Արմավիր գյուղի միջնակարգ դպրոցը։ Նույն թվականին ընդունվել է Երևանի բժշկական ինստիտուտը։ 1944 թվականին նորավարտ զորակոչվել է բանակ։ Որակավորվել է Մոսկվայի Ա. Վ. Վիշնևսկու անվան կլինիկայում գործող վիրաբուժական դասընթացներում և մեկնել է ռազմաճակատ։ 65-րդ բանակի բուժստորաբաժանումներից մեկում (2-րդ բելոռուսական ռազմաճակատ) եղել է վիրաբույժ։

Զորացրվել է 1946 թվականին։ 1947 թվականին նշանակվել է Արմավիր գյուղի հիվանդանոցի գլխավոր բժիշկ։ Ութ անգան (1952-1980) ընտրվել է ժողովրդական պատգամավորների շրջանային խորհրդի անդամ և գլխավորել Հոկտեմբերյանի շրջխորհրդի գործկոմի առողջապահության ու ֆիզիկական կուլտուրայի աշխատանքները։

Պարգևատրվել է Աշխատանքային կարմիր դրոշի շքանշանով (1970), մեդալներով ու պատվոգրերով։