Սպիով դեմքը

Վիքիպեդիայից՝ ազատ հանրագիտարանից
Սպիով դեմքը
Scarface
Ֆիլմի պոստերը
Երկիր Ամերիկայի Միացյալ Նահանգներ ԱՄՆ
Թվական 1983
Լեզու անգլերեն,իսպաներեն
Ռեժիսոր Բրայան դե Պալմա
Պրոդյուսեր Մարտին Բերգման
Սցենարիստ(ներ) Օլիվեր Սթոուն
Դերակատարներ Ալ Պաչինո
Սթիվեն Բաուեր
Միշել Պֆայֆեր
Ֆարիդ Մյուրեյ Աբրահամ
Մարի Էլիզաբեթ Մաստրանտոնիո
Ռոբերտ Լոգիա և ուրիշներ
Օպերատոր Ջոն Ալոնզո
Երաժշտություն Ջորջիո Մորոդեր
Ընկերություն Universal Studios
Տևողություն 170 րոպե
Բյուջե 25 մլն ԱՄՆ դոլար
Շահույթ 65,884,703 ԱՄՆ դոլար
MPAA վարկանիշ RATED R.svg
description

Սպիով Դեմքը (անգլերեն՝ Scarface) 1983 թ. նկարահանված գանգստերական դրամա է։ Ֆիլմի ռեժիսորը Բրայան դե Պալման է, սցենարի հեղինակը Օլիվեր Սթոունը։

Ֆիլմը հանդիսանում է 1932 թվականին նկարահանված ռեժիսոր Հովարդ Հոուքսի համանուն ֆիլմի ռիմեյքը, որտեղ գլխավոր հերոսի դերում խաղացել է Պոլ Մունին։

Սյուժեն[խմբագրել]

Ֆիլմի գլխավոր հերոսը Կուբայից ԱՄՆ գաղթած քրեական անցյալ ունեցող, կրակոտ բնավորության տեր, դեմքին տպավորիչ սպի ունեցող, ավազակ Թոնի Մոնտանան է, ում մարմնավորել է Ալ Պաչինոն։ Տոնին մեկն էր այն 125 000 կուբացիներից, ովքեր ներգաղթում են Ֆլորիդա նահանգի Մայամի քաղաք։ Նրանց մեջ շատ էին նախկին բռնադատվածներ (մոտ 25 000), որոնցից մեկը հենց Տոնին էր, լավագույն ընկերոջ՝ Մանոլո «Մեննի» Ռիբերայի(Սթիվեն Բաուեր) հետ։ ԱՄՆ-ում բնակվելուց մեկ ամիս անց, նրա ընկեր Մեննին պատմում է, որ Ֆրենկ Լոպես անունով մի մեծահարուստ(Ռոբերտ Լոգիա) պատրաստ է օգնել նրանց Գրին քարտ ստանալու, այն բանի դիմաց, եթե իրենք սպանեն Ֆիդել Կաստրոյի նախկին մերձավորներից մեկին։ Տոնին առանց մտածելու համաձայնում է և սպանում է այդ մարդուն քաղաքային միտինգի ժամանակ և նրանք ստանում են ԱՄՆ-ում ապրելու օրինական թույլատվություն։

Հաջորդ մի քանի շաբաթների ընթացքում նրանք աշխատում են մի փոքր սրճարանում որպես ամաններ լվացող և խոհարար։ Սակայն Տոնին շուտ հոգնում է այդ տեսակ աշխատանքից։ Մի անգամ երեկոյան նրանք հանդիպում են թմրաբիզնեսով զբաղվող Օմար Սուարեսին(Ֆ. Մյուրեյ Աբրահամ), ով նրանց առաջարկում է մի գործարք։ Տոնին և Մանոլոն պետք է դիմավորեին Մեքսիկայից եկող 25 տոննա թմրամիջոցներով բեռնված մի նավակ , որի համար առաջարկում է յուրաքանչյուրին 500-ական դոլար։ Տոնիին դուր չի գալիս այդ առաջարկությունը և կարճ բայց բուռն խոսակցությունից հետո Օմարը նրանց առաջարկում է մի այլ գործարք, 5 000 դոլարի դիմաց նրանք ոմն կոլումբիացիներից պետք է գնեին 25 000 դոլար արժողությամբ կոկաին։ Այդ գործարքից սկսած Տոնիի կյանքը կտրուկ փոխվում է և նա ընկնում է թմրաբիզնեսի աշխարհ ...

Դերերում[խմբագրել]

Հետաքրքիր փաստեր և վարկանիշային ցանկեր[խմբագրել]

Արտաքին հղումներ[խմբագրել]

Wikiquote-logo-en.svg
Վիքիքաղվածքն ունի քաղվածքների հավաքածու, որոնք վերաբերում են՝

IMDb էջ