Կրուիզային նավի նույնականացման քարտ
Կրուիզային նավի նույնականացման քարտ (անգլ.՝ Cruise ship ID card) կամ ID քարտ, կրուիզային նավի անձը հաստատող փաստաթուղթ, որը վարկային քարտի չափի պլաստիկ քարտ է և մի քանի գործառույթ է կատարում զբոսաշրջային նավի ուղևորների համար:
Կրուիզային նավի նույնականացման քարտերը սկանավորվում են նավի մուտքի մոտ և նավի ամբողջ տարածքում գտնվող տարբեր կետերում՝ օգտագործելով մագնիսական շերտավոր քարտ, RFID ընթերցողներ կամ շտրիխ կոդ՝ ուղևորին նույնականացնելու համար[1], թույլ են տալիս մուտք գործել և դուրս գալ նավից, ինչպես նաև մուտք գործել նավի որոշակի տարածքներ՝ ներառյալ ուղևորների խցիկը, վճարել ուղևորների հաշիվները և տարբեր այլ գործառույթներ:
Յուրաքանչյուր նավարկության գիծ ունի իր մոտեցումը նավի վճարումներին: Որպես ընդհանուր կանոն՝ գնումները կատարվում են կրուիզային նույնականացման քարտի միջոցով, որը կրեդիտ քարտի չափի բազմաֆունկցիոնալ քարտ է և որը նաև գործում է որպես ID ու սենյակի բանալի: Որոշ գծեր ուղևորներին տրամադրում են նաև թևնոցներ, որոնք թույլ է տալիս նաև վճարել[2]։
Քարտի տեղեկատվություն
Նավի քարտի վրա տպված տեղեկատվությունը կարող է ներառել․
- Կրուիզային ընկերության անվանումը
- Նավի անվանումը
- Ճանապարհորդության ամսաթվերը
- Ուղևորի անունը
- Նշում՝ կապված ռեստորանի հետ
- Հավաքի վայր
Ներկայումս հազվադեպ է պատահում, որ ուղևորի լուսանկարը ցուցադրվի քարտի վրա, բայց այն հաճախ սկանավորվում է համակարգչի առկայության դեպքում, որը էկրանին բերում է ուղևորի լուսանկարը։
Գործառույթներ
Նավի քարտի գործառույթները կարող են ներառել․
- Նավի մուտք (նավահանգիստներում նստեցում և իջեցում)․ պահանջվում է բազմաթիվ նավահանգիստների անվտանգության ծառայության կողմից՝ նավահանգիստ մուտք գործելու և նավից դուրս գալու համարp[3]
- Սալոնի դռան բանալին
- Կրուիզային նավի վճարային հաշիվ․ քանի որ նավարկության գծերի մեծ մասը նավի վրա օգտագործում է անկանխիկ վճարման համակարգ, քարտն օգտագործվում է նավի վրա գնումներ կատարելու համար, որոնց հաշիվը գանձվում է ուղևորից ճանապարհորդության ավարտին
- Հիմնական տեղեկություններ ուղևորի մասին
Ծանոթագրություններ
- ↑ US20040124982A1, Kovach, Aram, "Method for tracking and processing passengers and their transported articles", issued 2004 թ․ հուլիսի 01
- ↑ «Կռուիզ հարցերի պատասխաններ». https://hy.eturbonews.com. 2023 թ․ հունիսի 08.
{{cite web}}:|archive-date=requires|archive-url=(օգնություն); External link in|website= - ↑ Dowling, R.K. (2006). Cruise Ship Tourism. CABI. էջ 429. ISBN 9781845930493. Վերցված է 2015 թ․ ապրիլի 01-ին.