Իմմերսիվ առևտուր
Իմմերսիվ առևտուր, էլեկտրոնային առևտրի զարգացում, որն ուղղված է հաճախորդների սպասարկման որակի բարելավմանը՝ լրացված իրականության, վիրտուալ իրականության և իմմերսիվ տեխնոլոգիաների կիրառմամբ՝ ստեղծելով գոյություն ունեցող առևտրի կետերի հիմքի վրա վիրտուալ ինտելեկտուալ խանութներ։
Ի տարբերություն ավանդական էլեկտրոնային առևտրի[1][2], իմմերսիվ առևտուրը առցանց գնումների ձև է, որը համապատասխանեցնում է ավանդական խանութների ֆիզիկական տարրերը (օրինակ՝ շարքեր, դարակներ, և այլն) էլեկտրոնային առևտրի ավանդական վեբ էջերի թվային տարրերի հետ (օրինակ՝ մոբիլ առևտուր, էլեկտրոնային փողերի փոխանցում, առաքման շղթաների կառավարում, թվային մարքեթինգ, տրանսակցիաների առցանց մշակում, տվյալների էլեկտրոնային փոխանակում, պահուստների կատավարման համակարգ, տվյալների հավաքագրման ավտոմատացված համակարգեր և Հաճախորդների հետ հարաբերությունների կառավարում)։ Իմմերսիվ առևտրային հարթակները սպառողներին հնարավորություն են տալիս դիտել վիրտուալ խանութների շարքերը և գնումներ կատարել ցանկացած առցանց սարքի միջոցով։
Նպատակ
Գնորդները կարող են դիտել մանրածախ ցանցի տեսականու բոլոր ապրանքների եռաչափ պատկերները: Իմմերսիվ առևտրի համակարգը մանրածախ վաճառողներին տրամադրում է բազմաալիքային տվյալներ գնորդների հետ շփման կետերի վերաբերյալ, ներառյալ սոցիալական ցանցերի միջոցով, ինչը մանրածախ վաճառողներին հնարավորություն է տալիս շարունակաբար օպտիմալացնել իրենց առաջարկները իրական ժամանակում: Կիրառելով տեխնոլոգիաներ ՝ մանրածախ վաճառողները ստեղծում են խանութների գրավիչ և տեսողականորեն խթանող ներքին և արտաքին տեսք, որոնք դրդում են սպառողներին վայելել գնումների գործընթացը և ժամանակ անցկացնել խանութում[3]: Այն նաև ընդլայնում է մանրածախ առևտրի հնարավորությունները ՝ իրենց ապրանքանիշերը շուկա դուրս բերելու և մատակարարների հետ համատեղ բրենդավորման հնարավորություններ ստեղծելու համար:
Ծանոթագրություններ
- ↑ Petronzio, Matt (April 25, 2013). «Immersing Consumers in 'Immersive Experiences'». Mashable.
- ↑ Nudelman, Greg (February 2, 2011). «Immersive Mobile E-Commerce Search Using Drop-Down Menus». UX Magazine.
- ↑ Maloney, Greg (May 23, 2018). «6 Dimensions Of Experiential Retail, And The 20 Retailers Doing It Best». Forbes.