Սելաֆիել հրեշտակապետ

Վիքիպեդիայից՝ ազատ հանրագիտարանից
Jump to navigation Jump to search
Սելաֆիել հրեշտակապետ
El Arcángel Seatiel con incensario, de Bartolomé Román (Museo del Prado).jpg

Սելաֆիել հրեշտակապետ, (եբր.՝ שאלתיאל‎), հրեշտակապետերից մեկն էր, ով անընդհատ աղոթում էր Աստծուն մարդկանց փրկության և առողջության համար, ինչպես նաև դրդում էր մարդկանց աղոթելու: Սելաֆիել անունը եբրայերեն թարգմանած նշանակում է «Աղոթք Աստծուն», «Աղոթագիրք Աստծո», «Աղոթքի դրդող»: Աստվածաշնչում (այդ թվում` Ավետարանում) այս հրեշտակապետը չի հանդիպում: Սելաֆիել հրեշտակապետի մասին տեղեկացվում է Եզդրի (Եզրասի) ոչ կանոնական երրորդ գրքում:

Aquote1.png Եվ եղավ, երկրորդ գիշերը ինձ մոտ եկավ Սելաֆիել ժողովրդի առաջնորդը, (3 Եզդ 15:16) Aquote2.png

Կաթոլիկ վանական Ամադեուս Պորտուգալացու «Հայտնությունից» տեղեկանում ենք, որ XV դարում Սելաֆիելի պաշտամունքը լայն տարածում է ստացել, իսկ 745 թվականին Հռոմի մայր տաճարի որոշման հիման վրա ընդհանրապես դադարեցվել է: Ենթադրվում է, որ Սելաֆիել հրեշտակապետը հայտնվել է Հագարին անապատում, երբ նա խոր վշտի մեջ աղոթելիս է եղել: Հրեշտակապետը ասել է նրան.

Aquote1.png ...որ Տերը լսեց նրա տառապանքը... (Ծննդ.16:11) Aquote2.png


Պատկերագրություն[խմբագրել | խմբագրել կոդը]

Սրբապատկերներում Սուրբ Սելաֆիել հրեշտակապետը պատկերվում է հասարակ աղոթողի կերպարով` աչքերը խոնարհած և ձեռքերը կրծքին խաչած, ինչպես լինում է այն մարդկանց մոտ, ովքեր հավատով աղոթում են[1]: Երբեմն նրան պատկերում են ծնրադրած աղոթելիս: Աղոթքը համարվում է նրա հիմնական հատկանիշը.[2]:

Ծանոթագրություններ[խմբագրել | խմբագրել կոդը]

  1. «The heavenly host and our modern life»։ Holy-transfiguration.org։ Վերցված է 2011-12-05 
  2. «The rational heavenly powers»։ Holy-transfiguration.org։ Վերցված է 2011-12-05