Սառնակունք

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տես՝ Սառնակունք (այլ կիրառումներ)
Գյուղ
Սառնակունք
Կոորդինատներ: 39°38′53″ հս․ լ. 45°53′06″ ավ. ե. / 39.64806° հս․. լ. 45.88500° ավ. ե. / 39.64806; 45.88500
Երկիր Հայաստան Հայաստան
Մարզ Սյունիք
Շրջան Սիսիան
Գյուղապետ Մանուչար Մկրտչյան
Այլ անվանումներ Ազատաշեն, Աթխունի
Մակերես 41,72 կմ²
ԲԾՄ 2170 մ
Պաշտոնական լեզու Հայերեն
Բնակչություն 519 մարդ (2011)
Խտություն 12 մարդ/կմ²
Ազգային կազմ Հայեր,
Կրոնական կազմ Հայ Առաքելական եկեղեցի
Տեղաբնականուն սառնակունքցի
Ժամային գոտի UTC+4
##Սառնակունք (Հայաստան)
Red pog.png

Սառնակունք, գյուղ Հայաստանի Սյունիքի մարզում։ 1926 թվականին գյուղն ուներ 363, 1939 թվականին՝ 744, 1959 թվականին՝ 703, 1970 թվականին՝ 658, 1979 թվականին՝ 539, 1989 թվականին՝ 434, 2001 թվականին՝ 514, 2004 թվականին՝ 574 բնակիչ, որոնց նախնիները գաղթել են Նախիջևան քաղաքից, Ջուղայից և Սիսիանից։ Ըստ Ազգային վիճակագրական ծառայության 2011 թվականին կատարած մարդահամարի տվյալների՝ գյուղի բնակչությունը կազմում է 519 մարդ։ Բնակչության խտությունը կազմում է 12 մարդ/կմ²։

Նախկինում Աթխունի անվանումով գյուղն ընդգրկված է եղել Ելիզավետպոլի նահանգի Զանգեզուրի գավառում[1]:

Պատմություն[խմբագրել | խմբագրել կոդը]

Գյուղն հիմնադրվել է 1930-ականներին։ Հիմնական բնակիչները եղել են ղալաջուղցիները, ովքեր թողնելով ձորում գտնվող իրենց հին բնակավայրը բարձրացել և նոր գյուղ են հիմնել բարձր լեռնային գոտում։ Սառնակունքից 10 կմ հս-արևելք առկա են մ.թ.ա. VIII-VII հազ. ժայռապատկերներ, որոնք ապացուցում են, որ տարածքը բնակեցված է եղել դեռևս նախնադարում։ Գյուղի հյուսիսարևելյան մասում տեղակայված են եղել Ձկնարած, Բերդ, Բերդաշեն և Մուխրաբակ ավերակ գյուղերը։

1945 թվականին Սառնակունքում հայտնաբերվել են հնագույն հայկական դրամներ, որոնց մեջ կային նույնիսկ Տիգրան Մեծի և Արտավազդ II-ի ժամանակներում հատված դրամներ։

Աշխարհագրություն[խմբագրել | խմբագրել կոդը]

Գյուղը գտնվում է Սառնակունք գետի ափին, մարզկենտրոնից 119 կմ հյուսիս-արևմուտք, ծովի մակերևույթից 2100 մ բարձրության վրա։

Գյուղատնտեսություն[խմբագրել | խմբագրել կոդը]

Սառնակունքի անասնաբուժական կենտրոնի բացումը (2011 թվական)

Սառնակունքի գյուղատնտեսության հիմնական ուղղություններն են անասնապահությունը և դաշտավարությունը։ Գյուղացիները զբաղվում են հացահատիկի մշակմամբ, մանր ու խոշոր եղջերավոր անասունների բուծմամբ, ինչպես նաև մեղվաբուծությամբ[2]:

Սառնակունքում 2011 թվականին «Ագրոբիզնեսի և գյուղի զարգացման կենտրոն» (ՔԱՐԴ) հիմնադրամը՝ «Կենդանիների առողջություն» ծրագրի շրջանակներում հիմնել է անասնաբուժական կենտրոն։

Տես նաև[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. «Հայաստանի և հարակից շրջանների տեղանունների բառարան», հտ 1, էջ 53
  2. «Մութ ժամերին Սառնակունք գյուղում տեղաշարժվելը վտանգավոր է ու դժվար»։ «Առավոտ»։ Հոկտեմբերի 19, 2012 թ.