Մկրտիչ Ավագյան
- Վիքիպեդիայում կան հոդվածներ Ավագյան ազգանունով այլ մարդկանց մասին։
 | |
|---|---|
| Ծնվել է | 1905 |
| Ծննդավայր | Փոքր Ղարաքիլիսա |
| Մահացել է | 1975 |
| Քաղաքացիություն | .svg){kind=small} Հայկական ԽՍՀ |
| Ազգություն | հայ |
| Կրթություն | Երևանի բժշկական ինստիտուտ |
| Մասնագիտություն | թերապևտ |
| Կուսակցություն | ԽՄԿԿ |
Մկրտիչ Հակոբի Ավագյան (1905, Փոքր Ղարաքիլիսա - 1975), հայ բժիշկ, մայոր։ ԽՄԿԿ անդամ (1930):
Կենսագրություն[խմբագրել | խմբագրել կոդը]
Փոքր հասակում զրկվել է ծնողներից։ Կաշեգործական միավորման մեջ դարձել է կոշկակարի աշակերտ՝ միաժամանակ սովորելով բանֆակում։ Որպես առաջավոր բանվորի նրան գործուղում է սովորելու։ 1933 թվականին ավարտել է Երևանի բժշկական ինստիտուտը։ Առբաժվարի և հիվանդանոցի գլխավոր բժշկի պաշտոններով 1933 թվականին գործուղվել է Արթիկի շրջան։ 1935 թվականին նշանակվել է Էջմիածնի քաղառբաժվար։ 1937 թվականին աշխատանքի է անցել Երևանի 1-ին հիվանդանոցում՝ միաժամանակ դառնալով բժշկական տեխնիկումի տնօրեն։ 1938 թվականին նշանակվել է բժշկական հանձնաժողովի նախագահ։
1941-1945 թվականներին Դիլիջանում եղել է էվակուհոսպիտալների պետ (№№ 1573, 3697): 1946 թվականին զորացրվելուց հետո նշանակվել է Հայրենական մեծ պատերազմի հոսպիտալների վարչության պետ, իսկ ապա՝ Երևանի քաղաքային խորհրդի առբաժնի վարիչ։ 1951 թվականին գլխավորել է Երևանի 5-րդ հիվանդանոցի թերապևտիկ բաժանմունքը։ 1970 թվականին հիվանդության պատճառով անցել է կենսաթոշակի։
Պարգևատրվել է մեդալներով[1]։
Ծանոթագրություններ[խմբագրել | խմբագրել կոդը]
- ↑ Ա. Վ. Գրիգորյան, Բ. Գ. Մելքումյան, Հայաստանի բժիշկները Մեծ հայրենականում, գիրք 2, Ե., 1987, էջ 36-37։