Մետեոր-մարդասպանը
Երկիր | Հոնկոնգ |
---|---|
Ժանր | մարտաֆիլմ և մարտարվեստի մասին ֆիլմ |
Թվական | 1976 |
Լեզու | դասական չինարեն |
Ռեժիսոր | Ջիմմի Վանգ և Լո Վեյ |
Սցենարի հեղինակ | Գու Լուն |
Դերակատարներ | Ջեքի Չան և Ջիմմի Վանգ |
Պատմվածքի վայր | Չինաստան |
Տևողություն | 104 րոպե |
Մետեոր֊մարդասպանը (Մարդասպան-մետեոր, Մետեորներ-մարդասպաններ, չինարեն՝ 風雨雙流星, անգլ.՝ The Killer Meteors, բառացի չին. «Քամի, անձրև, զույգ ասուպներ»), ռեժիսոր Լո Վեյի կողմից 1976 թվականին նկարահանված մարտաֆիլմ։
Սյուժե[խմբագրել | խմբագրել կոդը]
Միջնադարյան Չինաստան։ Մեծ հերոս, անհաղթ զինվոր֊ճգնավոր Մետեորը (Մեյ, Մարդասպան֊մետեոր) թափառում է ամբողջ Չինաստանով մեկ՝ հաղթելով չարերին։
Լավագույն մարտիկները խոնարհվում են նրա առջև և դասերի համար նվիրում են ընծաներ, իսկ պարտված չարագործները և նախկին գողերը զոհաբերում են իրենց մատները և հարուստների գանձերը՝ ի նշան խոնարհության և ուղղվելու։ Նա ապրում է անտառում, սնվելով բնության պարգևներով, հեռու է մնում մարդաշատ պանդոկներից, քանի որ ունի «491 թշնամի», բայց ինքն անձամբ սպանել չի սիրում։
Ի պատասխան հիացական բացականչությունների, որ ինքը կարող է մարդ սպանել նույնիսկ ծղոտով, նա պատասխանում է. «Սպանելը դժվար չէ, դժվար է չսպանելը»։ Ի պատասխան այն հարցին, թե արդյոք չի՞ չարչարվում դաշտերում և արդյոք չի կարոտում պանդոկների հարմարավետություններին, նա պատասխանում է. «Իմ կյանքը հրաշալի է, անտառում կա 3000 տեսակի բույս, որոնցով կարելի է սնվել։ Երկինքն իմ ներքնակ է, իսկ գետինը՝ մահճակալս»։
Նրա գլխավոր զենքը երկկողմանի գուրզ «Մետեոր֊մարդասպանն» է, որը պարտության է մատնում թշնամիներին՝ երկնքի կրակներով։ Մետեորը հաճախ չի օգտագործում այդ զենքը, միայն ծայրահեղ դեպքերում, մնացած ժամանակ այն պահում է իր ուսի պատյանում։ Ինքը միայն երկու անգամ է տեսել զենքը մարտում։
Մի օր Մետեորի մոտ գալիս է ուժեղագույն մարտիկ, հզոր լորդի ծառա «Անմահ մետեորը» (նրան կոչում են «Ամպրոպի սուր»), որը մարտական արվեստների վարպետ էր։ Ամպրոպի սուսերակիրը նրա հրաշք֊զենքը տեսնելու փոխարեն, տալիս է Մետեորին թանկարժեք մարգարիտների քսակ, իսկ հետո առաջարկում է հանդիպել իր տիրոջ հետ։ Անմահ մետեորը համոզվում է, որ իր առջև իրոք կանգնած է լեգենդար հերոս, երբ իր մարմնի վրա զգում է նրա հանկարծակի հարձակման ուժը։ Նա խնդրում է Մետեոր֊մարդասպանին, որ սպանի իր կնոջը՝ տիկին Հողմին, վերջինս ուղարկել է նրան և տարին մի անգամ տալիս է հակաթույն, այդ կերպ Անմահ Մետեորին պահելով լիակատար ենթակայության տակ։ Տիկնոջը հսկում են 4 ֆավորիտներ, որոնք տիրապետում են կախարդության գաղտնիքներին։ Որպես մրցանակ Անմահ մետեորը առաջարկում է իր ընկերությունը։ Մետեոր֊մարդասպանը համաձայնվում է, սակայն ասում է, որ իրեն պետք չէ Անմահ մետեորի ընկերությունը, նա անում է աշխատանքը, քանի որ ինքն է այդպես ցանկանում։
Մետեոր֊մարդասպանը ընկղմվում է ստի, դավադրությունների, դավաճանությունների և կռիվների հորձանուտը, որպեսզի պարզի, թե ով է թաքնված այս պատմության ետևում։ Շուտով բացահայտվում է, որ Մետեոր֊մարդասպանը այնքան էլ անկախ չէ, ինչքան թվում է, նրան սպասվում է հանդիպում իր անցյալի հետ։
Դերերում[խմբագրել | խմբագրել կոդը]
Դերասան | Դեր |
---|---|
Ջիմի Վան | մետեոր Մեյ Սինհե |
Ջեկի Չան | անմահ մետեոր Խուա Ուբին |
Յույ Լինլուն | Ֆեն Յուեն֊ էր |
Լան Յուլի | տիկին Փյունիկ |
Տուն Լին | Ֆեն Ցի |
Մա Ցզի | սուսերակիր Լյու Ցինյի |
Լի Սիսի | տիկին Հողմ |
Չեն Խուեյլոու | Քարե կապիկ |
Վան Ժոպին | գող |
Լի Վենյտայ | երկնային տիրակալ Վանական֊սատանա |
Ֆիլլիպ Կոու | երկնային տիրակալ Գոու Հունշոու |
Վեն Սյախու | երկնային տիրակալ Ման Թյանսին |
Սյուե Խան | սուսերակիր Վան Ֆան |
Լու Իլուն | Թափանցիկ Ստվեր |
Մա Չան | երկնային տիրակալ Խեյ Լամա |
Նկարահանող խումբ[խմբագրել | խմբագրել կոդը]
- Ընկերություն՝ Lo Wei Motion Picture Co.
- Պրոդյուսեր՝ Սյու Լիխուա
- Բեմադրող պրոդյուսեր՝ Լո Վեյ
- Ռեժիսոր՝ Լո Վեյ
- Սցենարի հեղինակ՝ Գու Լուն
- Ռեժիսորի օգնական՝ Սյու Սյաոլուն, Չիու Լոուկոն
- Մարտական տեսարանների բեմադրություն՝ Չեն Սինյի
- Խմբագիր՝ Կուոկ Թխինխուն
- Դիմահարդարող՝ Չեն Շի
- Օպերատոր՝ Չեն Չժունյուան, Չեն Ցինցյու
- Երաժիշտ՝ Չաու Ֆուկլյոն
Գնահատականներ[խմբագրել | խմբագրել կոդը]
Ռեյտինգներ | |
---|---|
Հրատարակություն | Գնահատական |
Internet Movie Database | [1] |
The Encyclopedia of Martial Arts | [2] |
The Hong Kong Filmography, 1977-1997 | [3] |
DVD Talk?! | [4] |
HKCinema.ru | [5] |
Kung Fu Movie Guide | [6] |
Silver Emulsion Reviews | [7] |
Կինոքննադատների և հրատարակությունների ձայների ճնշող մեծամասնությամբ «Մետեոր֊մարդասպանը» բացասաբար է ընդունվել։
Հետաքրքիր փաստեր[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ «The Killer Meteors (1976)». Internet Movie Database (անգլերեն).
- ↑ Bill Palmer, Karen Palmer, Ric Meyers The Encyclopedia of Martial Arts Movies. — Scarecrow Press, 1995. — P. 188. — ISBN 978-146-167-275-3
- ↑ John Charles The Hong Kong Filmography, 1977-1997: A Complete Reference to 1,100 Films Produced by British Hong Kong Studios. — McFarland, 2000. — P. 171. — ISBN 978-078-640-842-9
- ↑ Wallis, J. Doyle (2002 թ․ դեկտեմբերի 16). «The Killer Meteors». DVD Talk.
- ↑ 5,0 5,1 Хохлов, Борис (2004 թ․ օգոստոսի 29). «Метеоры-убийцы». HKcinema.ru.
- ↑ Johnson, Ben (2013 թ․ փետրվարի 27). «The Killer Meteors (1976)». Kung Fu Movie Guide.
- ↑ Kouf, Will (2013 թ․ մարտի 2). «The Killer Meteors (1976)». Silver Emulsion Reviews.
Արտաքին հղումներ[խմբագրել | խմբագրել կոդը]
- Պաշտոնական թրելյերը YouTubeում
- «Մետեորներ֊մարդասպաններ» (անգլ.) Hong Kong Movie DataBase կայքում
|