Մացեստայի թեյի գործարան
Մացեստայի թեյի գործարան | |
---|---|
Տեսակ | ձեռնարկություն |
Հիմնադրված է | 1947 թվական |
Վայր | Իզմայլովկա գյուղ |
Երկիր | Ռուսաստան |
Արտադրանք | թեյ |
Կայք | matsestatea.ru |
Մացեստայի թեյի գործարան (ռուս.՝ Мацестинская чайная фабрика), ռուսական թեյի արտադրության ձեռնարկություն, որը գտնվում է Սոչիի շրջանի Իզմայլովկա գյուղում և հանդիսանում է «Մացեստա թեյ» և «Կրասնոդարի թեյ՝ 1947 թվականից» ապրանքանիշերի պաշտոնական արտադրողը։ Թեյի տնկարկները գտնվում են Կրասնոդարի երկրամասի Սոչի քաղաքի Մացեստա հովտում՝ կովկասյան լեռնաշղթայի լեռների միջև։
![](http://upload.wikimedia.org/wikipedia/commons/thumb/9/9c/%D0%93%D0%BB%D0%B0%D0%B2%D0%BD%D1%8B%D0%B9_%D0%BE%D1%84%D0%B8%D1%81_%D0%9C%D0%B0%D1%86%D0%B5%D1%81%D1%82%D0%B8%D0%BD%D1%81%D0%BA%D0%B0%D1%8F_%D1%87%D0%B0%D0%B9%D0%BD%D0%B0%D1%8F_%D1%84%D0%B0%D0%B1%D1%80%D0%B8%D0%BA%D0%B0.jpg/220px-%D0%93%D0%BB%D0%B0%D0%B2%D0%BD%D1%8B%D0%B9_%D0%BE%D1%84%D0%B8%D1%81_%D0%9C%D0%B0%D1%86%D0%B5%D1%81%D1%82%D0%B8%D0%BD%D1%81%D0%BA%D0%B0%D1%8F_%D1%87%D0%B0%D0%B9%D0%BD%D0%B0%D1%8F_%D1%84%D0%B0%D0%B1%D1%80%D0%B8%D0%BA%D0%B0.jpg)
«Մացեստայի թեյ» հանրային բաց բաժնետիրական ընկերությունը իր տրամադրության տակ ունի թեյի տնկարկներ, որոնք ծովի մակարդակից բարձր են 400 մ և հասնում են 180 հա-ի[1]։ Այն կենտրոնանում է թեյի էկոլոգիապես մաքուր արտադրության վրա։ Ձեռնարկության թեյի տնկարկները գտնվում են Սոչիի Մացեստա հովտում։ Կովկասի հովտային շրջանի սառը մթնոլորտի շնորհիվ թեյի տերևները ունեն տանինի մեծ քանակություն։
Պատմություն[խմբագրել | խմբագրել կոդը]
Սոչիի Չերնոմորե տարածաշրջանում 1935 թվականից սկսեցին թեյ մշակել։ Հենց այդ ժամանակահատվածում տվյալ վայրերում կազմակերպվեցին առաջին կոլտնտեսությունները։ Մացեստայի թեյի ձեռնարկության պատմության սկիզբը կարելի է համարել 1947 թվականը, այնուհետև «Սովետների դրոշ» նախաձեռնության անդամների կողմից ստեղծվել է «Վերին Մացեստական սովխոզ»-ը, որտեղ նրանք սկսեցին տիրապետել թեյի աճեցման ու մշակման մշակույթին[2][3]։
1951-1953 թվականներին պատրաստվող տնկարաններում մշակվում էին չինական «Կի-մին» սորտերը, որոնք հետո փոխարինվել են վրացական «կոլխիդ»-ով և ցրտադիմացկուն «Մացեստայով»։ Դրանք ընտրվել են Սոչիի սելեկցիայի մասնագետների կողմից։ Մաքուր և սառը օդը սարերում, բավականին մեղմ ձմեռը, հիմք հանդիսացան հրաժարվել թունաքիմիկատների և անօրգանական պարարտանյութերի օգտագործումից։ Թեյի կուլտուրաները դիմացան մինչև 17 աստիճան ցրտին, և նման պայմաններում վնասատուները չհաղթեցին։ Մացեստայի թեյը արդյունաբերական մասշտաբով ձեռք է բերել մեծ ճանաչում, որպես ամենահյուսիսում աճեցված սորտերի[4]։
1972 թվականին Մացեստայի սովխոզ մուտք է գործել համատեղ թեյի արտադրություն՝ «Կրասնոդար թեյ»-ը։ Միացել են նաև Սոլոխաուլի, Դագոմիսի և Ադլերի սովխոզները։ Վերակառուցման սկիզբին, «Լենինի անվան Մացեստայի թեյի արտադրության ֆերմերային տնտեսությունը» վերակազմավորվեց և 1992 թ. վերափոխվեց «Մացեստայի թեյի»[3]։ Ճգնաժամի ընթացքում, մինչև 2006 թվականը, Մացեստայի գործարանը գտնվում էր փլուզման եզրին[1]։ 2006 թվականից մինչև 2010 թվականը ձեռնարկությունը արմատական արդիականացման ենթարկվեց։
Ձեռքբերումներ[խմբագրել | խմբագրել կոդը]
- «Մացեստայի թեյի գործարան» ԲԲԸ-ը 2016 թվականին Շանհայում SIAL China ցուցահանդեսում, բարձրորակ արտադրանքի համար արժանացել է ոսկե մեդալի[5][6]։
- 2016 թվականի հոկտեմբերին Փարիզի SIAL Paris միջազգային ցուցահանդեսում Մացեստա թեյը ստացավ երկու ոսկե մեդալ՝ դասական ու սև և կանաչ «Պրեմիում» թեյի համար[7][8]։
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ 1,0 1,1 «Чайная фабрика "Мацеста"». votpusk.ru.
- ↑ «Чайная фабрика «Мацеста чай»». kukarta.ru. 2015 թ․ հունվարի 18.
- ↑ 3,0 3,1 «Мацестинские чайные плантации». sochi.com.
- ↑ «Самый северный чай в мире». priroda.su. 02.06.2009. Արխիվացված է օրիգինալից 2011 թ․ օգոստոսի 12-ին. Վերցված է 2018 թ․ մայիսի 12-ին.
- ↑ «Фабрика «Мацеста чай» представила продукцию на «Кубанской ярмарке»». Кубань24. 2016 թ․ հոկտեմբերի 10.
- ↑ «ЗОЛОТАЯ МЕДАЛЬ (SIAL CHINA 2016)». MatsestaTea.ru.
- ↑ «Продукция фабрики «Мацеста чай» представит Россию на выставке в Париже». Кубань24. 03.10.16.
- ↑ «Сочинский чай стал золотым призером на выставке в Париже». Кубань24. 2016 թ․ հոկտեմբերի 19.
Այս հոդվածը կատեգորիայի կարիք ունի։ Դուք կարող եք օգնել նախագծին՝ կատեգորիա գտնել կամ ստեղծել ու ավելացնել հոդվածին։ |