Մարութա սարի ամպերը

Վիքիպեդիայից՝ ազատ հանրագիտարանից
Մարութա սարի ամպերը
ՀեղինակՄուշեղ Գալշոյան
Տեսակպատմվածքների շարք
ԹեմաՀայոց ցեղասպանություն
Կազմված էՄամփրե արքան
Բնօրինակ լեզուհայերեն

Մարութա սարի ամպերը, Մուշեղ Գալշոյանի պատմվածքների շարքը, որ ընդգրկում է 20 պատմվածք։

Մարութա սարի ամպերը պատմվածաշարի ստեղծագործություններում պատկերված է Արևմտյան Հայաստանից Հայոց Մեծ Եղեռնի տարիներին գաղթած ու Արևելյան Հայաստանում։ Նրանց բոլորին միավորում է մեկ ընդհանուր ճակատագիր. գաղթից հետո նրանք հաստատվում են ու տուն կառուցում, սակայն տուն վերադառնալու հույսները չեն կտրում, կարոտում են իրենց երկիրը։

«Մարութա սարի ամպերը» շարքի երկու պատմվածք 1978 թվականին տպագրվել են «Դրուժբա նարոդով» ամսագրում։ Այդ ստեղծագործություններն արժանացել են տարվա լավագույն պատմվածքի մրցանակին։

Պատմվածքների ցանկ[խմբագրել | խմբագրել կոդը]

Մամփրե արքան[խմբագրել | խմբագրել կոդը]

«Մամփրե արքան» հեղինակի ամենահայտնի ստեղծագործություներից է, բազմիցս բեմադրվել է, և դրա հիման վրա նկարահանվել է ֆիլմ-ներկայացում։ Այն պատմում է Մամփրե պապի մասին, որը գաղթել է Արևմտյան Հայաստանից․ մանուկ հասակում նա սովորել է հայերեն այբուբենը վարժապետ Հարությունի դպրոցում, սակայն տառերը գրել սովորել չի հասցրել․ պատերազմ է եղել, իրենք գաղթել են, հետո նոր պատերազմ է եղել։ Եվ ութսունին մոտ տարիքում, տեսնելով, թե ինչպես է թոռնուհին տառերը սովորեցնում իր կրտսեր եղբորը, Մամփրեն որոշում է, որ ինքն էլ սովորի հայերեն տառերը։

Դավոն[խմբագրել | խմբագրել կոդը]

Դավոն՝ պատմվածքի գլխավոր գործող անձը, սասունցի փախստական է։ Եղել է զորավար Անդրանիկի բանակում, նրա լավագույն զինվորներից մեկը։ Բայց երբեմն չի հնազանդվել նաև Զորավարին։ Ու մի անգամ Անդրանիկը նրան նույնիսկ մահվան է դատապարտել, բայց Դավոն մնացել է նույն համառ, իր սկզբունքներին հավատարիմ սասունցին։ Ու մեռնելու պահին նա հիշում է իր ամբողջ կյանքը, իր ընկերներին և շարունակում է իր վեճն աշխարհի ու մարդկանց հետ[1]։

Ծանոթագրություններ[խմբագրել | խմբագրել կոդը]

Վիքիքաղվածքն ունի քաղվածքների հավաքածու, որոնք վերաբերում են