Մասնակից:Son Mkrtchyan/Ավազարկղ13

Son Mkrtchyan/Ավազարկղ13

Ֆրանտրշեկ Շտամբախր (Շտամբախեր) (չեխ․՝ František Štambachr (Štambacher), ծնվել է 1953 թվականի փետրվարի 13-ին՝ Չեբինում), չեխոսլովակացի ֆուտբոլիստ և բազմակողմանի կիսապաշտպան։ 1976թ․-ի Եվրոպայի չեմպիոն ,1980 թ․-ի օլիմպիական չեմպիոն։

Կարիերա

Ակումբում

«Սոկոլ»-ի (Չեբին) և «Բռնո»-յի դպրոցական թիմերի աշակերտ։ Նա իր դեբյուտը պրոֆեսիոնալ ֆուտբոլում նշել է 1972 թվականին Պրահայի «Դուկլա» ակումբի կազմում։ 12 տարի հանդես է եկել Պրահայի թիմում , Չեխոսլովակիայի Առաջին լիգայում անցկացրել է 292 հանդիպում, խփել է 13 գոլ։ ՈւԵՖԱ Գավաթում նա անցկացրել է 13 հանդիպում և դարձել երեք գոլի հեղինակ։ Նա երեք անգամ նվաճել է Չեխոսլովակիայի չեմպիոնի տիտղոսը, երկու անգամ՝ Չեխոսլովակիայի գավաթը։ Կարիերայի մնացած հատվածն անցկացրել է Հունաստանում՝ խաղալով Աթենքի ԱԵԿ-ում և «Ապոլոն»-ում։

Ազգային հավաքականում

Չեխոսլովակիայի հավաքականի կազմում անցկացրել է 31 հանդիպում և դարձել 5 գոլի հեղինակ։ 1976 թվականի Եվրոպայի առաջնությունում նա ոչ մի հանդիպում չի անցկացրել, սակայն դարձել է Եվրոպայի չեմպիոն։ 1980 թվականի Եվրոպայի առաջնությունում նա երկու խաղ անցկացրեց խմբային փուլում և դարձավ մայրցամաքի առաջնության բրոնզե մեդալակիր։ Նույն 1980 թվականին նա մասնակցել է Մոսկվայի Օլիմպիական խաղերին, խաղացել ֆուտբոլային մրցաշարի եզրափակիչում, որտեղ հաղթել են չեխոսլովակացիները։

2 տարի անց նա խաղաց Իսպանիայում կայացած աշխարհի առաջնությունում (անցկացրեց մեկ խաղ), որը չեխոսլովակցիները ձախողեցին։

Խաղացողի կարիերայից հետո

2006 թվականի սեպտեմբերից համարվում է Պրահայում գտնվող ֆիթնես կենտրոնի ղեկավար։

Կոչումներ

• 1980 թվականի օլիմպիական չեմպիոն
• 1976 թվականի Եվրոպայի չեմպիոն
• 1980 թվականի բրոնզե մեդալակիր
• Չեխոսլովակիայի չեմպիոն՝ 1977, 1979, 1982 թթ
• Չեխոսլովակիայի գավաթակիր՝ 1981, 1983 թթ

Աղբյուրներ

• Профиль на сайте WeltFussball.de(չաշխատող հղում)

(գերմ.)

• Профиль на сайте Футбольной ассоциации Чехии Արխիվացված է Հուլիս 23, 2015 Wayback Machine-ի միջոցով:(չեխ.)