Մասնակից:Soghanna/Ավազարկղ
Մյասնիկյանի Արայի անվան միջնակարգ դպրոցը հիմնվել է 1934 թվականին, ենթարկվել է երկաթգծի տնօրինությանը և կոչվել է երկաթգխի N47 դպրոց: Առաջին աշակերտները եղել են երկաթուղու աշխատողների երեխաները: Մինչ 1934 թվականը դպրոց չլինելու պատճառով երեխաները սովորել են Երևանի երկաթգծի գիշերօթիկ դպրոցում (Ինտերնատում): 1902 թվականին կառուցվել է տեղի երկաթուղին, ապա նաև՝ Արաքս կայարանը: Առաջին բնակիչները եղել են երկաթուղու աշխատող բանվորները: Բնակավայրում ջուր չի եղել, ջուրը բերել են Երևանից հատուկ գնացքով, որի վրա ամրացված են եղել տակառներ: Հետագայում երկաթգծի միջոցներով 1956 թվականին գյուղ խմելու ջուր է բերվել Ախուրյան գետից, որը թորվել է Անի կայարանում գտնվող Կզըլ- Կուլայի ջրամբարում: Դպրոցը սկզբում համարվել է տարրական դպրոց, որի տնօրենը եղել է Գուրգեն Նազարյանը: Տարրական դպրոցը պահպանվել է մինչև 1950-1951 թվականները, որից հետո դարձել է յոթնամյա, տնօրենը՝ Պատվական Դալյան: 1952 թվականին նրան հաջորդել է Խորեն Սահակյանը: 1951 թվականին սկսվում է բնակարանային շինարարությունը, ավելանում է բնակիչների թիվը ի հաշիվ Հայաստանի մյուս շրջանների և Ախալքալակի: 1961 թվականին գյուղում կառուցվում է դպրոցի մեծ շենք . այն դառնում է միջնակարգ և ենթարկվում է ՀՍՍՀ լուսավորության մինիստրությանը: Այդ ժամանակ դպրոցի տնօրենն էր Խորեն Սահակյանը, Միրիմյանը: 1978 թվականին կառուցվել է տիպային դպրոց, որի տնօրեն է եղել Գարեգին Գրիգորյանը, Վարազդատ Սարոյանը, Զ. Հովհաննիսյանը: 1993 թվականի հոկտեմբերի 14-ին Բաղրամյանի շրջխորհրդի գործկոմի թիվ 14 որոշմամբ Մյասնիկյանի միջնակարգ դպրոցանվանակոչվել է նոյն դպրոցի շրջանավարտ, Արցախում զոհված ազատամարտիկ Արա Գևորգի Հարությունյանի (Արայի) անունով: 1999-2016 թվականները ՀՀ Արմավիրի մարզի << Մյասնիկյանի Արայի անվան միջնակարգ դպրոց>> ՊՈԱԿ գործադիր տնօրեն է եղել Զ. Հովհաննիսյանը: 2017 թվականից դպրոցի տնօրեն է ընտրվել Լիլիթ Պողոսի Պետրոսյանը: 2010-2011 թվականներին դպրոցի հինգ մասնաշենքերը հիմնանորոգվել են բարեգործ Կարո Արմենի ղեկավարությամբ՝ <<Հայաստանի մանուկներ>> հիմնադրամի և Վանաձորի <<Կանակա>> ՓԲԸ շինարարական կազմակերպության ուժերով: Դպրոցում սովորում են 503 աշակերտներ:
Դպրոցում իրականացվող կրթական ծրագրեր
Դպրոց համագործակցում է հետևյալ կազմակերպությունների հետ՝
- <<Հայաստանի մանուկներ>> հիմնադրամ
- Արմավիր թեմի բարեգործ պարոն Ռեյ
- << Հեյֆեր Փրոջեքթ Ինթերնեյշնլ>>
- ԿԳ նախարարության << Համայնքային գործունեություն>>
- <<Սնունդ աշխատանքի դիմաց>>
- <<Փրկենք երեխաներին>>
Դպրոցը կազմված է յոթ մասնաշենքերից՝ 6765.5մ², երկհարկանի կառույց է, ունի լոկալ ջեռուցում, աշխատում է մեկ հերթով: Դպրոցի շրջակայքը բարեկարգված է, տնկվել են ծառեր ու թփեր:
Բոլոր ուսուցիչները վերապատրաստվել են ԿԱԻ և «Քայլ առ քայլ» ծրագրի շրջանակներում. 15-ն ատեստավորվել են:
Դասերն անցկացվում են ժամանակակից մեթոդներով:
Դպրոցի երեք ուսւցչուհիներ ընդգրկվել են մենթորական ծրագրերում:
Երեք ուսուցիչներ ամսագրերում և պարբերականներում հանդես են եկել տարբեր հոդվածներով:
Ականավոր շրջանավարտներ
- Սարոյան Ռուբիկ Եղիշի - պատմական գիտությունների թեկնածու, դոցենտ-պրոֆեսոր, ՀՊՄՀ դասախոս
- Բաղդասարյան Համլետ Գևորգի - բժշկական գիտությունների թեկնածու
- Կիրակոսյան Մուրադ Խաչիկի - գնդապետ
- Ոսկանյան Էդուարդ Պարգևի - գնդապետ
- Սարգսյան Գագիկ Արտավազդի - ֆիզիկամաթեմատիկական գիտությունների դոցենտ, ավիացիոն ինստիտուտի ֆիզիկամաթեմատիկական ամբիոնի վարիչ
- Հարությունյան Արա Գևորգի - զոհված ազատամարտիկ
- Նալբանդյան Ռաֆիկ Խաչիկի - զոհված ազատամարտիկ
- Բաղդասարյան Նվեր Ռազմիկի - զոհված ազատամարտիկ
- Գալստյան Ջիվան Շատինովի - ԽՍՀՄ հեծանվային սպորտի վարպետ
- Գալստյան Անաստաս Շատինովի - ԽՍՀՄ հեծանվային սպորտի վարպետ
- Գալստյան Թադևոս Շտինովի - ԽՍՀՄ հեծանվային սպորտի վարպետ