Մասնակից:Sofikarapetyan/Ավազարկղ16
Կրծքով կերակրման սենյակ (կամ լակտորիում, անգլ.՝ Lactation room), մասնավոր տարածք, որտեղ կրծքով կերակրող մայրը կարող է օգտվել կրծքի պոմպից: Նման տարածքները հիմնականում սահմանափակ են, կենտրոնացած են Միացյալ Նահանգներում։ Եզակի են զարգացած երկրների շրջանում՝ հղիության և ծննդաբերության նվազագույն արձակուրդ տրամադրելու պատճառով: Պատմաբան Ջիլ Լեպորը պնդում է, որ «առանց զուգարանի կրծքով կերակրման սենյակները» և կրծքագեղձի պոմպերը, ընդհանուր առմամբ, թելադրված են աշխատողների կորպորատիվ կարիքներով, այլ ոչ թե մայրերի ցանկություններով կամ «երեխաների կարիքներով»[1]:
Նպատակը և նկարագրությունը[խմբագրել | խմբագրել կոդը]
Կրծքով կերակրման սենյակները տրամադրել են կերակրող մայրերին իրենց սեփական կաթո վկրծքով կերակրելու համար: Եթե մինչև 2010 թվականի «հիվանդների պաշտպանության և մատչելի խնամքի մասին» օրենքի ընդունումը կրծքով կերակրման տարածքներ կային, ապա «արդար աշխատանքային ստանդարտների մասին օրենքի» փոփոխված 4207 բաժինը պահանջել է, Section 4207 of the Fair Labor Standards Act, որ 50 և ավելի աշխատող ունեցող գործատուները կրծքով կերակրող մայրերին տրամադրեն մասնավոր տարածք, որը լոգարան չէ:
Ընդհանուր առմամբ, կրծքով կերակրման սենյակն ունի սառնարան, լվացարան, լվացող միջոցներ, սեղան և հարմարավետ աթոռ: Օրվա ընթացքում կաթ արտադրելու հնարավորությունը մայրերին թույլ է տալիս պահպանել կաթի մատակարարումը, ինչպես նաև պահպանել և տուն տանել սննդանյութերով հարուստ կաթը:
Ժողովրդականություն[խմբագրել | խմբագրել կոդը]
Կրծքով կերակրման սենյակները լայն տարածում են գտել ԱՄՆ գործարար շրջանակներում։ Իրադարձությունների նման զարգացման պատճառն այն է, որ
մայրերը ԱՄՆ-ում աշխատուժի ամենաարագ աճող հատվածն են: Մինչև 3 տարեկան երեխաներ ունեցող աշխատող մայրերի մոտ 70%-ը աշխատում է լրիվ դրույքով: Այս մայրերի մեկ երրորդը վերադառնում է աշխատանքի ծննդաբերությունից հետո 3 ամսվա ընթացքում, իսկ երկու երրորդը՝ 6 ամսվա ընթացքում: Տնից դուրս աշխատելը կապված է կրծքով կերակրման ավելի կարճ տևողության հետ, և լրիվ դրույքով աշխատելու մտադրությունը մեծապես կապված է կրծքով կերակրման սկզբի ցածր տեմպերի և ավելի կարճ տևողության հետ: Այնուամենայնիվ, կրծքով կերակրման ավելի կարճ տևողությունը կարող է հանգեցնել ավելի մեծ ռիսկի[2]։
Առավելություններ[խմբագրել | խմբագրել կոդը]
Բացի այդ, կրծքով կերակրումը ձեռնտու է գործատուներին, քանի որ կրծքով կերակրումը հանգեցնում է բժշկական օգնության խնդրիրների նվազմանը, աշխատանքի արտադրողականության բարձրացմանը և հիվանդ երեխաների խնամքի համար աշխատավայրում բաց թողնված օրերի քանակի կրճատմանը[3]։ Կորպորատիվ կրծքով կերակրման ծրագրի ստեղծման միջոցով ձեռնարկություններին և աշխատակիցներին տրամադրվող առավելությունների օրինակներից մեկը CIGNA ընկերությունն է, որը նվիրված է ԱՄՆ-ում աշխատողների նպաստների վճարմանը: 1995 թվականին CIGNA-ն ստեղծեց «լավ աշխատող մայրեր» ծրագիրը, որը ստեղծել է կրծքով կերակրման կրթական ծրագիր և կրծքով կերակրման սենյակներ: 2000 թվականին CIGNA-ն և UCLA-ն ուսումնասիրություն են անցկացրել 343 կրծքով կերակրող կանանց շրջանում, ովքեր մասնակցել են CIGNA ծրագրին: Ուսումնասիրությունը պարզել էր, որ տարեկան 240,000 ԱՄՆ դոլարի խնայողություն է լինում կրծքով կերակրող մայրերի և նրանց երեխաների առողջապահական ծախսերի վրա, ինչպես նաև տարեկան 60,000 ԱՄՆ դոլարի խնայողություն՝ Cigna-ում կրծքով կերակրող մայրերի բացակայությունների կրճատման միջոցով[4]։ Բացի այդ, ուսումնասիրությունը ցույց էր տվել, որ Working Well Moms ծրագրին մասնակցող կանանց կրծքով կերակրման տևողությունը վեց ամսվա ընթացքում կազմում է 72,5%, մինչդեռ աշխատող նոր մայրերի ազգային միջին ցուցանիշը կազմում է 21,1%[4]։
Ռեսուրսներ[խմբագրել | խմբագրել կոդը]
Կրծքով կերակրող մայրերի և գործատուների համար կան բազմաթիվ ռեսուրսներ, թե ինչպես ստեղծել և խթանել կրծքով կերակրման գրասենյակ կամ լակտացիայի աջակցության ծրագիր: Ներկայումս առկա են հետևյալները․
- Կրծքով կերակրման սենյակի ձևավորում ճարտարապետների ամերիկյան ինստիտուտում
- Հիվանդությունների վերահսկման կենտրոնի «առողջ աշխատավայր» նախաձեռնությունը
- ԱՄՆ առողջապահության և մարդկային ծառայությունների վարչության «առողջ մարդիկ 2010» ծրագիր
Բացի այդ՝ ԱՄՆ առողջապահության և մարդկային ծառայությունների դեպարտամենտի մոր և մանկան առողջության Բյուրոն ներկայումս մշակում է գործիքակազմ ՝ աշխատավայրում կրծքով կերակրումը խթանելու համար, որը կոչվում է «կրծքով կերակրման տնտեսական հիմնավորում»:
Ծանոթագրություններ[խմբագրել | խմբագրել կոդը]
- ↑ Lepore, Jill (12 January 2009). «Baby Food: If breast is best, why are women bottling their milk?». The New Yorker. Վերցված է 29 December 2017-ին.
- ↑ «CDC» (PDF).
- ↑ «US Breastfeeding». Արխիվացված է օրիգինալից (PDF) 2020-10-04-ին. Վերցված է 2007-05-09-ին.
- ↑ 4,0 4,1 «News Release Archive - Site Password». cigna.mediaroom.com. Արխիվացված է օրիգինալից October 7, 2007-ին.
- «H.R. 3590 – One Hundred Eleventh Congress of the United States of America – At the Second Session» (PDF). Վերցված է 2022 թ․ հոկտեմբերի 21-ին.