Մասնակից:SMosinyan/Ավազարկղ 2
| SMosinyan/Ավազարկղ 2 |
|---|
Ռոբերտ Զեեթալեր (օգոստոսի 7, 1966 թվական, Վիեննա) ավստրիացի գրող, սցենարիստ և դերասան։
Կենսագրություն[խմբագրել | խմբագրել կոդը]
Ռոբերտ Զեեթալերը մեծացել է Վիեննայում[1] ։ Աչքերի ի ծնե հիվանդության(–17 դիոպտրիա) պատճառով այցելել է կույրերի և տեսողական խնդիրներ ունեցողների համար նախատեսված տարրական դպրոց[1]։ Այնուհետև հաճախել է Վիեննայի ազգային թատրոնի դերասանական դպրոցն ու աշխատել կինոյի և հեռուստատեսության բազմաթիվ արտադրություններում, ինչպես նաև Վիեննայի, Բեռլինի, Շտուտգարտի և Համբուրգի թատրոններում [2] ։ Հեռուստալսարանին հայտնի է «Ուժեղ թիմ» սերիալում բժիշկ Քնայսլերի դերով։ 2015 թվականին Ռեյչլ Ուայզի հետ խաղացել է Պաոլո Սորրենտինոյի «Երիտասարդություն» ֆիլմում, որը նույն թվականին արժանացել է Եվրոպական մրցանակի (լավագույն ֆիլմ, լավագույն ռեժիսոր)։ Իր աշխատանքների համար Զեեթալերը արժանացել է մի շարք մրցանակների և դրամաշնորհների։ 2016 թվականին «Ամբողջ կյանք» վեպը ընդգրկվել է Բուքերյան միջազգային մրցանակ 2016ի ցուցակում։ Ռոբերտ Զեեթալերը ապրում է Բեռլինում և Վիեննայում։
Գրական կյանքը[խմբագրել | խմբագրել կոդը]
2006 թվականին որպես "Heartbreaking" սցենարի գրական ադապտացիա հրատարակել է իր առաջին վեպը՝ «Բինեն և Կուրթը»։ 2006ից-2012 թվականներին "Kein & Aber" հրատարակչությունում լույս են տեսնում «Բինեն և Կուրթը», «Հետագա հեռանկարներ», «Լրջանալու պահը», ինչպես նաև «Ծխախոտագործը» վեպերը։ 2014 թվականին լույս է տեսնում ճոպանագործ Անդրեաս Էգգերի մասին պատմող «Ամբողջ կյանք» վեպը։ Վեպը ձեռք է բերում համաշխարհային հռչակ և թարգմանվում ավելի քան 40 լեզվով։ «Դաշտը» վեպում փոքր քաղաքի գերեզմանոցի 29 մեռյալներ պատմում են միմյանց փողկապակցված պատմությունները։ 2016 թվականից ի վեր «Բինեն և Կուրթը», «Ծխախոտագործը», «Ամբողջ կյանք» ինչպես նաև «Դաշտը» վեպերը դրամատիզացվել են թատրոնի համար և ներկայացվել գերմանախոս երկրների բեմերում։ Իր «Երկրորդ կինը» սցենարի հիման վրա Հանս Շթայնբիշլերի նկարահանած ֆիլմի պրեմիերան տեղի է ունենում Մյունխենյան կինոփառատոնի շրջանակներում և 2009 թվականին արժանանում Գրիմմեի 3 մրցանակի։ Համանուն վեպի հիման վրա նկարահանված «Ծխախոտագործը» ֆիլմի պրեմիերան կայանում է 2018 թվականին և ցուցադրվում գերմանական և միջազգային կինոթատրոններում։
Կինոսցենարներ[խմբագրել | խմբագրել կոդը]
- Die zweite Frau, Sperl & Schott Film, 2008
- Heartbreakin’
- Harry Stein
Ծանոթագրություններ[խմբագրել | խմբագրել կոդը]
- ↑ 1,0 1,1 Կաղապար:Webarchiv
- ↑ Agentur Kelterborn abgerufen am 16. Februar 2016.