Մասնակից:Meri Atoyan/Ավազարկղ

Վիքիպեդիայից՝ ազատ հանրագիտարանից
Jump to navigation Jump to search

Բերտրան Կանտա (ֆր.՝ Bertrand Cantat, ), երաժիշտ, բանաստեղծ, ֆրանսիական Noir Désir ռոք խմբի առաջատարը և մենակատարը։

Կենսագրություն[խմբագրել | խմբագրել կոդը]

Լինելով Noir Désir խմբի առաջատար` Բերտրան Կանտան դարձել է 1990-ական թվականների ֆրանսիական երաժշտության ամենահայտնի դեմքերից մեկը։

Հետևելով իր քաղաքական ձախ հայացքներին՝ նա հանդես է եկել ընդդեմ գլոբալիզացիայի, ֆաշիզմի, Բորդոյի տեղանքի անապատացմանը և 2003 թվականին Իրաք ներխուժմանը։

Ամուսնացել է 1997 թվականին Քրիստինա Ռադիի հետ, ունեցել են երկու երեխա՝ որդին՝ Միլոն (ծնված 1997 թվականին) և աղջիկը՝ Ալիսան (ծնված 2002 թվականին)։

Մարի Տրետինյանի մահ[խմբագրել | խմբագրել կոդը]

2003 թվականի հուլիսի 27-ի գիշերը Վիլնյուսի հյուրանոցում կոնֆլիկտ է տեղի ունեցել կոնֆլիկտ Բերտրան Կանտայի և նրա ուղեկցուհու՝ ֆրանսիացի հայտնի դերասանուհի Մարի Տրենտինյանի (դերասան Ժան Լուի Տրենտինյանի դուստրը) միջև, որի հետ նա մեկ ու կես տարի սիրային հարաբերություններ է ունեցել։ Դաժան ծեծի և դեմքին բազմաթիվ հարվածների հետևանքով Մարին ընկել է կոմայի մեջ և առանց գիտակցության գալու օգոստոսի 1-ին Նյոյի սյուր Սենի ֆրանսիական կլինիկայում մահացել է ուղեղի այտուցվածությունից, որը գլխի ծանր վնասվածքի պատճառով էր։

Հայտնի դերասանուհու մահը Ֆրանսիայում զգացմունքների տարափ առաջացրեց։ Կանտան ձերբակալվել է և տարվել Լիտվայի բանտային հիվանդանոց։ Մարիի մայրը՝ Նադին Տրենտինյանը, խիստ պատիժ էր պահանջում Բերտրանի համար։ Կանտայի ընկերները պնդում էին, որ նա ոչ գիտակից վիճակում է եղել և դիտավորություն չի ունեցել վնաս պատճառելու։ 2004 թվականի մարտին նա դատապարտվել է 8 տարվա ազատազրկման։ Նախ Մարիի ընտանիքի, ապա Բերտրան Կանտայի կողմից բողոքարկում է ստացվել, սակայն երկու կողմերն էլ ի վերջո որոշել են հետ վերցնել իրենց բողոքարկումը, այդ իսկ պատճառով 8 տարվա ազատազրկման դատավճիռը դարձել է վերջնական։ Իր փաստաբանների խնդրանքով Կանտան լիտվական բանտից 2004 թվականի սեպտեմբերի 28-ին տեղափոխվել է Մյուրեում (Ֆրանսիա) գտնվող բանտ։

2003 թվականի սեպտեմբերի 11-ին Լանդայում գտնվող Կանտայի տանը հրդեհ է բռնկվել։ Շատերը կասկածում էին, որ դա կապված է եղել Մարի Տրենտինյանի մահվան հետ։

2007 թվականի հոկտեմբերի 16-ին Կանտան ժամկետից շուտ ազատվել է։