Մասնակից:Davit.khazhakyan/Ավազարկղ
| Լուսավոր Հայաստան Կուսակցություն | |
|---|---|
| Երկիր | Հայաստան |
| Առաջնորդ | Էդմոն Մարուքյան |
| Հիմնադրված | 12.12.2016թ. |
| Շտաբ | Բաղրամյան 1 |
| Կայք | brightarmenia.am |
Լուսավոր Հայաստան Կուսակցությունը ազատական, առաջադիմական լուծումների և բարեփոխումների միջոցով զարգացմանը միտված կուսակցություն է: Լուսավոր Հայաստանի նպատակն է Հայաստանի Հանրապետությունում կառուցել հասարակության դինամիկ զարգացմանը նպաստող առաջադեմ, արդիական քաղաքական համակարգ, նպաստել քաղաքացիների շահերն արտահայտող հանրային քաղաքականության արդյունավետ ուղղությունների մշակմանը, ժողովրդավարական ներկայացուցչական ինստիտուտների ձևավորմանը և դրանց զարգացման նախադրյալների ապահովմանը:
Լուսավոր Հայաստան Կուսակցության Հիմնադիր Համագումարը[խմբագրել | խմբագրել կոդը]
Հիմնադիր Համագումարը դեկտեմբերի 12-ին բացվեց Երևանից և մարզերից ժամանած 245 պատվիրակների մասնակցությամբ: ՀՀ "Կուսակցությունների մասին" օրենքի համաձայն Իրավազոր Համագումարն ընդունեց որոշում Կուսակցության ստեղծման մասին, որից հետո պատվիրակներն ընտրեցին Խորհրդի տասներեք անդամին և Վերահսկիչ հանձնաժողովի երկու անդամին:
Խորհուրդ[խմբագրել | խմբագրել կոդը]
Խորհրդի անդամներ ընտրվեցին Էդմոն Մարուքյանը, Մանե Թանդիլյանը, Կարեն Սիմոնյանը, Հայկ Կոնջորյանը, Նորայր Մովսիսյանը, Արտակ Ոսկանյանը, Ջիվան Նադարյանը, Գևորգ Գորգիսյանը, Դավիթ Խաժակյանը, Գրիգորի Դոխոյանը, Մարատ Դադունցը, Հայկազ Սիմիկյանը և Անի Սամսոնյանը:
Վերահսկիչ հանձնաժողով[խմբագրել | խմբագրել կոդը]
Վերահսկիչ հանձնաժողովի անդամներ ընտրվեցին Գևորգ Պապիկյանը և Գոհար Մաթևոսյանը:
Խորհրդի նախագահ[խմբագրել | խմբագրել կոդը]
Կուսակցության Խորհրդի նախագահ ընտրվեց Էդմոն Մարուքյանը:
Կուսակցության տարածքային ստորաբաժանումներ[խմբագրել | խմբագրել կոդը]
Լոռու մարզի տարածքային ստորաբաժանում[խմբագրել | խմբագրել կոդը]
Լուսավոր Հայաստան Կուսակցության տարածքային ստորաբաժանումների՝ մարզային և համայնքային խորհուրդների ձևավորումը մեկնարկեց Լոռու մարզից։ 2016 թվականի հունվարի 9-ին Վանաձոր քաղաքում գումարվեց Լոռու մարզային խորհրդի ձևավորման Հիմնադիր ժողովը, որին մասնակցել են 40 պատվիրակ Վանաձոր, Սպիտակ Ալավերդի քաղաքներից և Մեծ Այրում, Արջուտ, Գուգարք, Ճոճկան համայնքներից։ Հիմնադիր ժողովն ընտրեց Լոռու մարզային Խորհրդի 13 անդամ և Վերահսկիչ հանձնաժողովի մեկ անդամ։ Լոռու Մարզային Խորհրդի նախագահ ընտրվեց Լուսավոր Հայաստան կուսակցության Խորհրդի անդամ Հայկազ Սիմիկյանը։
Տավուշի մարզի տարածքային ստորաբաժանում[խմբագրել | խմբագրել կոդը]
Լուսավոր Հայաստան Կուսակցության երկրորդ մարզային խորհուրդը ձևավորվեց Տավուշի մարզում։ 2016 թվականի հունվարի 12-ին Նոյեմբերյան քաղաքում գումարվեց Տավուշի մարզային Հիմնադիր ժողովը, որին մասնակցել են 33 ներկայացուցիչ Իջևան, Նոյեմբերյան , Այրում, Դիլիջան քաղաքներից և Հաղթանակ, Բերդավան, Բագրատաշեն համայնքներից։Հիմնադիր ժողովն ընտրեց Տավուշի մարզային Խորհրդի յոթ անդամ և Վերահսկիչ հանձնաժողովի մեկ անդամ։ Տավուշի Մարզային Խորհրդի նախագահ ընտրվեց Նարեկ Սիրադեղյանը։
Լուսավոր Հայաստան Կուսակցության ծրագրի գծապատկերը[խմբագրել | խմբագրել կոդը]
Լուսավոր Հայաստան Կուսակցության կառուցվածքը[խմբագրել | խմբագրել կոդը]
Կուսակցության Համագումար[խմբագրել | խմբագրել կոդը]
Կուսակցության բարձրագույն մարմինը Կուսակցության համագումարն է, որը գումարվում է առնվազն երկու տարին մեկ անգամ: Համագումարի աշխատանքներին մասնակցելու իրավունք ունեն կուսակցության բոլոր անդամները: Կուսակցության համագումարը հրավիրվում է կուսակցության խորհրդի որոշմամբ, որը կայացվում է ձայների պարզ մեծամասնությամբ։ Համագումարի պատվիրակները առաջադրվում են մարզային խորհուրդների կողմից։ Համագումարը իրավազոր է, եթե ներկա է (գրանցված են) պատվիրակների ընդհանուր թվի առնվազն 2/3-ը։
Կուսակցության Խորհուրդ[խմբագրել | խմբագրել կոդը]
Կուսակցության խորհուրդը կուսակցության գլխավոր գործադիր (ղեկավար) մարմինն է: Կուսակցության խորհրդի կազմը ընտրվում է Կուսակցության համագումարի կողմից:
Մարզային կառույցներ[խմբագրել | խմբագրել կոդը]
Հայաստանի Հանրապետության մարզերում և համայնքներում Կուսակցության խորհուրդն ստեղծում է Կուսակցության տարածքային ստորաբաժանումներ` մարզային կամ համայնքային խորհուրդներ:
Վերահսկիչ հանձնաժողով[խմբագրել | խմբագրել կոդը]
Կուսակցության գործունեության վերահսկման նպատակով համագումարի կողմից երկու տարի ժամկետով ընտրվում է վերահսկիչ հանձնաժողովը: Վերահսկիչ հանձնաժողովը վերահսկում է Կուսակցության դրամական միջոցների ձևավորման և ծախսման գործընթացները, Կուսակցության անդամների գործունեության համապատասխանությունը Կուսակցության քաղաքական և գաղափարական գծին, վերահսկում է կուսակցության գույքի տնօրինման, տիրապետման և օգտագործման գործընթացները և կատարում այլ գործառույթներ, որոնք հանձնարարվում են Կուսակցության ընդհանուր համագումարի կողմից:
Կուսակցության նախագահը, քարտուղարը և մամլո պատասխանատուն[խմբագրել | խմբագրել կոդը]
Տեսլական[խմբագրել | խմբագրել կոդը]
Լուսավոր Հայաստան Կուսակցության տեսլականը հավասար հնարավորություններով և արդիականացված Հայաստանն է, որտեղ մարդը ոչ թե միջոց է, այլ նպատակ։
Կուսակցության արժեքները[խմբագրել | խմբագրել կոդը]
Լուսավոր Հայաստանը սեփական ազատության արժեքը գիտակցող մարդկանց երկիրն է: Մարդկանց, ովքեր ձգտում են բացահայտել սեփական անհատականությունը, որոնց բարձրագույն առաքինությունը նախնիներից ժառանգած փորձով սեփական երկրի գիտակից և նվիրյալ քաղաքացի լինելն է, որոնք ցանկացած ուժեղ պետության, կայուն հասարակության և գործող իրավունքի կարևորագույն գրավականն ու երաշխիքն են:
Լուսավոր Հայաստան կուսակցությունը ձգտում է դեպի մարդ-անհատի հնարավորություններն ընդարձակող, երկրի անկախությունն ու ինքնիշխանությունը՝ որպես պետականության անքակտելի և բացարձակ որակ երաշխավորող կայուն-դինամիկ հասարակության, այն է՝ նորարար նախաձեռնությունների, փոփոխությունների ոգին գիտակցող և համամարդկային նշանակության արժեքներ ստեղծող համակեցություն՝ իր սոցիալ-քաղաքական և պետաիրավական ներդաշնակ կառուցվածքներով:
Իր հասարակական- քաղաքական գործունեության ընթացքում, Լուսավոր Հայաստան նախաձեռնությունը առաջնորդվում է հետևյալ հիմնական արժեքներով՝
Մարդակենտրոնություն[խմբագրել | խմբագրել կոդը]
Մարդը քաղաքականության հիմնական կրողն ու բարձրագույն արժեքն է:
Հաշվետվողականություն[խմբագրել | խմբագրել կոդը]
Դրսևորվում է հասարակության առջև ցուցաբերած թափանցիկությամբ և բարեխղճությամբ, որի արդյունքում, քաղաքացիները դառնում են քաղաքականության մասնակիցը և վերահսկում այն, իսկ քաղաքականությունը դառնում է բաց և կանխատեսելի:
Սկզբունքայնություն[խմբագրել | խմբագրել կոդը]
Դրսևորվում է նախաձեռնության կողմից որդեգրած գաղափարների նկատմամբ նվիրվածությամբ և հավատարմությամբ:
Արդարություն[խմբագրել | խմբագրել կոդը]
Կայանում է համընդհանուր բարիքի ապահովմանը միտված գործունեությամբ՝ չվնասելու առաջնահերթ սկզբունքներով:
Հետևողականություն[խմբագրել | խմբագրել կոդը]
Ենթադրում է տրամաբանական ու փոխկապակցված գործողությունների շարք նախաձեռնության բոլոր գործողություններում:
Ժողովրդավարություն[խմբագրել | խմբագրել կոդը]
Ժողովրդավարությունը ոչ միայն նախաձեռնության գործունեության սկզբունքն է,այլև հիմնական արժեքը: Որպես արժեք` «Լուսավոր Հայաստան»-ը կարևորում է ժողովրդավարության զարգացումը Հայաստանում և դրան նպաստող ինստիտուտների հզորացումը: Որպես գործունեության սկզբունք` կարևորվում է բազմակարծությունը և խոսքի ազատության իրավունքը։
Ակտիվ մասնակցություն[խմբագրել | խմբագրել կոդը]
Ակտիվ մասնակցությունը կարեվորվում է ներքին՝ կազմակերպական մակարդակում, և արտաքին՝ քաղաքական հարթության մեջ, ինչպես որոշումների կայացման, այնպես էլ՝ դրանց իրականացման գործում: