Մասնակից:1Alina1/Ավազարկղ2
| «Անձրև» | |
|---|---|
 «Դը Սմարթ Սեթ» ամսագրի կազմը 1921թ․-ի ապրիլին, «Օրիորդ Թոմփսոն»՝ «Տարվա ամենահիասքանչ կարճ պատմվածքը» | |
| Հեղինակ | Սոմերսեթ Մոեմ |
| Երկիր | Միացյալ Թագավորություն |
| Բնագիր լեզու | Անգլերեն |
| Հրատարակչություն | «Դը Սմարթ Սեթ» |
| Հրատարակվել է | 1924թ․, ապրիլ |
«Անձրև», կարճ պատմվածք բրիտանացի գրող Սոմերսեթ Մոեմի կողմից: 1921թ.-ի ապրիլին «Դը Սմարթ Սեթ» գրական ամսագրում պատմվածքը սկզբնապես տպագրվում է որպես «Օրիորդ Թոմփսոն»[1]:
Իրադարձությունները տեղի են ունենում Խաղաղ օվկիանոսի ափերից մեկում: Անբարոյականին վերափոխելու միսիոների մտադրությունը ողբերգության պատճառ է դառնում:
Պատմություն[խմբագրել | խմբագրել կոդը]
1916թ.-ին խաղաղօվկիանոսյան իրենց ուղևորության ժամանակ Մոեմն ու իր քարտուղար-ուղեկիցը՝ Ջերալդ Հաքստոնը Սոնոմա շոգենավով ուղևորվում են Ամերիկյան Սամոայի մայրաքաղաք՝ Պագո Պագո: Կարանտինի ուսումնասիրության պատճառով նրանք մյուս ուղևորների հետ ստիպված են լինում մնալ տեղի կացարաններից մեկում: Նավի մյուս ուղևորներից են «Օրիորդ Թոմփսոնը» և մի բժիշկ՝ իր կնոջ հետ, որոնք էլ հետագայում դառնում են «Անձրև» ստեղծագործության կերպարները[2]:
Փագո-Փագոյի կողքին է գտնվում Ռեյնմեյկեր լեռը, որի պատճառով Պագո-Պագո նավահանգստում մշտապես ուժեղ անձրևներ են[3]։
Սյուժե[խմբագրել | խմբագրել կոդը]
Խաղաղ օվկիանոսի ափին գտնվող Ափիա ուղևորվելիս մի նավ կանգ է առնում Պագո-Պագոյում: Ուղևորների թվում են բժիշկ Մաքֆեյլը՝ իր կնոջ հետ և Դեվիդսոնը (միսիոներ)՝ իր կնոջ հետ (պատմությունը շարադրվում է Մաքֆեյլի տեսանկյունից): Կղզում տարածված կարմրուկի (տեղացիների համար լուրջ հիվանդություն) համաճարակի պատճառով նավը չի կարող շարունակել իր ճանապարհը, քանի դեռ հաստատված չէ, որ անձնակազմում վարակված մարդ չկա: Մաքֆեյլներն ու Դեվիդսոնները կացարան են գտնում առևտրական Հորնի մոտ: Նրանց կեցության գրեթե ողջ ընթացքում այնտեղ հորդ անձրև է տեղում, որը երկու ընտանիքների համար էլ ճնշող է: Դեվիդսոնը Մաքֆեյլին պատմում է, թե որքան խստապահանջ է ինքը միսիոների իր գործում:
Այդ նույն կացարանում է բնակվում նաև նավի ուղևորներից օրիորդ Թոմփսոնը: Նրա սենյակից լսվում են գրամոֆոնի երաժշտություն ու տղամարդկանց ձայներ: Դեվիդսոնը հիշում է, որ օրիորդը նավ բարձրացավ Հոնոլուլուից, ենթադրաբար Իվելեից՝ Կարմիր լապտերների թաղամասից: Դեվիդսոնը որոշում է նրան ետ կանգնեցնել անբարոյականի ապրելակերպից և Հորնից պահանջում է արգելել Թոմփսընին այցելուներ ընդունել: Մաքֆեյլը զգում է, որ Դեվիդսոնը մութ գործերի մեջ է: Նա այն տպավորությունն ունի, որ Դեվիդսոնը զգուշորեն այդ կնոջ շուրջ ցանց է հյուսում, և հանկարծ, երբ ամեն ինչ պատրաստ լինի, նա կձգի ցանցի թելերը[4]:
Դեվիդսոնը հանդիպում է կղզու նահանգապետին և պահանջում է, որ օրիորդ Թոմփսոնին հաջորդ իսկ ուղևորվող նավով ուղևորի Սան Ֆրանցիսկո: Երբ Մաքֆեյլն է այցելում նահանգապետին՝ խնդրելով, որ չկատարի Դեվիդսոնի պահանջը, նահանգապետը, վախենալով այդ օրերին միսիոներների ունեցած մեծ ազդեցությունից, մերժում է նրան: Օրիորդ Թոմփսոնը շատ ծանր է տանում այն փաստը, որ իրեն ուզում են ուղարկել Սան Ֆրանցիսկո՝ ուղղիչ գաղութ: Դեվիդսոնը, օրիորդ Թոմփսոնի հետ ուղղիչ աշխատանքներ կատարելու նպատակով, հաճախ է լինում նրա մոտ՝ այժմ նրան արդեն կոչելով ուղղակի Սեդի: Դրա արդյունքում նա փոխվում է՝ զղջալով իր արածների համար: Դեվիդսոնն ասում է Մաքֆեյլներին. «Իսկական վերածնունդ է: Մեղքով էր լցված նրա մութ հոգին, այժմ այն նման է ճերմակ լույսին....ամբողջ օրը աղոթում եմ նրա հետ....»[5]:
Մի քանի օր անց Դեվիդսոնի մարմինը գտնում են ափին՝ վիզը ածելիով կտրած: Սկզբում Մաքֆեյլը ոչինչ չի հասկանում մինչև այն պահը, երբ վերադառնում է կացարան՝ տեսնելով, որ Սեդի Թոմփսոնը հանկարծ նորից դարձել է այն նույն «պճնամոլ թեթևսոլիկը, որին իսկզբանե ճանաչել էին»[6]: Նա մի բարձր ու ծաղրական ծիծաղ է շպրտում տիկին Դեվիդսոնի ու Մաքֆեյլների երեսին՝ պարոն Մաքֆեյլին ասելով. «Դու՛ք, տղամարդի՛կդ, զզվելի՛, կեղտո՛տ խոզեր....բոլորդ էլ նույնն եք, բոլո՛րդ»[6]:
Ծանոթագրություններ[խմբագրել | խմբագրել կոդը]
- ↑ Literature for Sadie Thompson at the Internet Movie Database
- ↑ Page 244 Samuel J. Rogal, A William Somerset Maugham Encyclopedia. Greenwood Publishing Group, 1997.
- ↑ Rainmaker Mountain Lonely Planet, accessed 27 November 2016.
- ↑ "Rain", էջ 29
- ↑ "Rain", էջ 45
- ↑ 6,0 6,1 "Rain", էջ 51