Մահթումկուլիի հուշարձան (Աստրախան)
 | |
|---|---|
 | |
 | |
| Տեսակ | հուշարձան |
| Ստեղծում | 2009 |
| Երկիր |  Ռուսաստան |
| Բնակավայր | Աստրախան |
| Շինության ձև | քանդակ |
| Ներկա վիճակ | կանգուն |
Մահթումկուլի Ֆրագիի հուշարձան (ռուս.՝ Памятник Махтумкули Фраги), հուշարձան Ռուսաստանի Աստրախան քաղաքում։ Նվիրված է թուրքմեն բանաստեղծ, մտածող, փիլիսոփա, թուրքմենական գրականության դասական Մահթումկուլի Ֆրագիին (1733-1783)։ Տեղադրվել է 2009 թվականին՝ Լենինյան շրջանում՝ Աստրախանի պետական համալսարանի դիմաց գտնվող «Ուսանողական» պուրակում։
Պատմություն[խմբագրել | խմբագրել կոդը]
Հուշարձանը տեղադրվել է Աստրախանի մարզի նահանգապետ Ալեքսանդր Ժիլկինի առաջարկով[1][2]։ Հուշարձանի հեղինակն է թուրքմեն հայտնի քանդակագործ Սարագթ Բաբաևը։ Հուշարձանը նվեր է Աստրախան քաղաքին[3][4]։ Հուշարձանը բացվել է 2009 թվականի մայիսի 15-ին, Աստրախանի մարզի նահանգապետ Ալեքսանդր Ժիլկինի, Թուրքմենստանի մշակույթի նախարար Գուլմիրաթ Միրադովի գլխավորած պատվիրակության, ինչպես նաև թուրքմենական համանքի ներկայացուցիչների մասնակցությամբ[5]։
Մաքթումկուլի Ֆրագին 18-րդ դարի թուրքմեն բանաստեղծ է, մտածող, փիլիսոփա և թուրքմենական գրականության դասական[6]։ Մահթումկուլիի կյանքի մասին տեղեկությունները շատ սուղ են։ Միակ աղբյուրը ժողովրդական ավանդություններն ու նրա իսկ բանաստեղծություններն են[7]։ Թուրքմենստանում նրան պաշտում են նույն կերպ, ինչպես Ալեքսանդր Պուշկինին Ռուսաստանում։ Հենց այդ պատճառով է, որ Մահթումկուլիի հուշարձանը տեղադրվել է այս քաղաքում, քանի որ Աստրախանում է ապրում Ռուսաստանում թուրքմենական խոշորագույն համայնքներից մեկը[6]։
Սա Թուրքմենստանի ամենահարգված բանաստեղծի ու մտածողի երկրորդ հուշարձանն է Ռուսաստանում։ Առաջին հուշարձանը բացվել է 2008 թվականի մայիսին Ռուսաստանի Դաշնության Ստավրոպոլի երկրամասի Բլագոդարնենսկի շրջանի Էդելբայ թուրքմենական գյուղում[5]։
Ծանոթագրություններ[խմբագրել | խմբագրել կոդը]
- ↑ Памятник Махтумкули откроют в Астрахани будущей весной
- ↑ В Астрахани будет установлен памятник классику туркменской литературы Махтумкули Фраги
- ↑ Памятник туркменскому поэту Махтумкули откроют в Астрахани 15 мая
- ↑ Памятник Махтумкули откроется в Астрахани в мае
- ↑ 5,0 5,1 В Астрахани торжественно открыт памятник туркменскому поэту Махтумкули
- ↑ 6,0 6,1 «Памятник Махтумкули (Астрахань)».
- ↑ Մահթումկուլի (1983). Հատընտրիր. Երևան: «Սովետական գրող». էջ 3-4.