Հարցապնդում

Վիքիպեդիայից՝ ազատ հանրագիտարանից
Jump to navigation Jump to search

Հարցապնդում Հարցապնդումը պատգամավորիի ներկայացրած պահանջն է ենթակա պետական մարմիններին ու պաշտոնատար անձանց՝ պարզաբանումներ տալու իրենց գործունեության մասին։ Այն ԽՍՀՄ-ում և խորհրդային մյուս երկրներում պետական մարմինների նկատմամբ վերահսկողություն իրականացնելու ձևերից էր։ ԽՍՀՄ Գերագույն խորհրդիի պատգամավորն իրավունք ուներ հարցապնդումով դիմելու ԽՍՀՄ նախարարների խորհրդին, պատգամավորներին և Գերագույն խորհրդի կազմած մյուս մարմինների ղեկավարներին, որին պարտավոր էին պատասխանել ոչ ավելի, քան եռօրյա ժամկետում՝ ԽՍՀՄ Գերագույն խորհրդի տվյալ նստաշրջանում։ Հայկական ԽՍՀ պատգամավորը հարցապնդումով դիմում էր համապատասխան մարմիններին՝ հայկական ԽՍՀ տնօրինությանը վերաբերող հարցերով։ ՀԽՍՀ տեղական խորհրդի պատգամավորի՝ տվյալ գործադիր կոմիտեի, նրա մարմինների ու պաշտոնատար անձանց տնօրինությանը վերաբերող հարցերով պատասխան տալու պարտավորություն էր առաջանում տվյալ խորհրդիի առաջիկա նստաշրջանում, իսկ պատասխանի նախապատրաստման համար ավելի շատ ժամանակ պահանջվելու դեպքում՝ խորհրդի սահմանած ժամկետում։ Բուրժուական պետություններում հարցապնդումը օգտագործում էին ընդդիմադիր կուսակցությունները։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 6, էջ 315 CC-BY-SA-icon-80x15.png