Հայ Լաո

Վիքիպեդիայից՝ ազատ հանրագիտարանից
Picto infobox music.png
Հայ Լաո
Ժանրեր ռոք (Soft rock), հեղինակային երգ («բարդ»)
Մասնագիտություն Երգիչ, երգահան, երաժշտական ձևավորում, գործիքավորչում
Գործիքներ Վոկալ, կիթառ, ստեղնաշարային, հարվածային
Գործունեություն Հուլիսի 21, 1976 (1976-07-21),
Հայաստան
Անդամներ
Տիգրան և Վարդան Թադևոսյան

Հայ Լաո, հայկական երաժշտական ռոք-դուետ։ Դուետի հիմնադիրներն են՝ երկվորյակ եղբայրներ Տիգրան և Վարդան Թադևոսյանները (Թադևոսյան, Տիգրան Թադևոսի և Թադևոսյան, Վարդան Թադևոսի), որոնք կատարում են իրենց հեղինակային երգերը։

Կյանքը[խմբագրել]

Երկվորյակ եղբայրներ Տիգրան և Վարդան Թադևոսյանները ծնվել են 1976թ. հուլիսի 21-ին Հայաստանի Հանրապետության Արտաշատի շրջանի Գետազատ գյուղում։
1993թ.-ին, ավարտելով միջնակարգ դպրոցը, նրանք ընդունվել են Երևանի «Գլաձոր» համալսարանի միջազգային հարաբերությունների ֆակուլտետը։ 2000թ.-ին ավարտել են ուսումը` ստանալով պատմաբան-միջազգայնագետի որակավորում։
1994-1996թթ. ծառայել են ՀՀ զինված ուժերում։
1998թ.-ին եղբայրները կազմավորել են «Հայ Լաո» դուետը։[1]
Դուետը կատարում է իր հեղինակային երգերը` փորձելով վեր հանել հայ իրականության ցավոտ խնդիրները։
Հայ Լաո դուետը մասնակցել է մի շարք համերգների և փառատոնների («Մեկ ազգ, մեկ մշակույթ», «Հայաստանն իմ հայրենիքն է», «Ոսկե կիթառ», «Կռունկ» հեռուստափառատոն, «Շառլ Ազնավուրի ծննդյան 80 ամյակին նվիրված երգի փառատոն» և այլն)։ Հայ Լաո դուետը մենահամերգներով հանդես է եկել Երևանի կամերային թատրոնում, Կամերային երաժշտության տանը, Երևան քաղաքի այլ համերգային դահլիճներում, ինչպես նաև ՀՀ մի շարք մարզերում և Արցախում։
Տիգրան և Վարդան Թադևոսյանները («Հայ Լաո» դուետ) հանդիսանում են նաև հեղինակ-կատարողների «GuitArt» միության հիմնադիր-անդամներ և միության կազմով մասնակցում հեղինակային երգի համերգների։
Դուետը թողարկել է երեք ալբոմ`«Լքված երկիր», «Հայրենիք», «Կյանքի ՈՒղին» և «Քայլեր» խորագիրը կրող երգերի ընտրանին։[2]
Հայ Լաոն ունի նաև մի քանի տեսահոլովակներ։ Հայ Լաո դուետն ապրում է ակտիվ ստեղծագործական կյանքով։[3]

Արտաքին հղումներ[խմբագրել]

  1. «Հայ Լաո» կայքէջ
  2. 5485/ «Հայ Լաո» երգերը` լսել, բեռնել
  3. «Հայ Լաո»-ն Հայաստանի հանրային հեռուստատեսության եթերում

Այստեղ կարող եք ունկնդրել Հայ Լաո դուետի երգերը։ https://soundcloud.com/haylao