Հայկական ուսումնասիրությունների «Անի» կենտրոն

Վիքիպեդիայից՝ ազատ հանրագիտարանից
Հայկական ուսումնասիրությունների «Անի» կենտրոն
Տեսակ կազմակերպություն
Երկիր Հայաստան
Հիմնադրված հոկտեմբերի 31, 2014
Կայք aniarc.am

Հայկական ուսումնասիրությունների «Անի» հիմնադրամ (անգլ.՝ ANI Foundation for Armenian Studies), Հայաստանի Հանրապետությունում գործող հայկական ուսումնասիրություններով զբաղվող գիտահետազոտական կազմակերպություն: Հիմնադրամի համակարգողն է փորձագետ Թաթուլ Հակոբյանը[1]:

Առաքելություն[խմբագրել | խմբագրել կոդը]

Համաձայն կանոնադրության, հիմնադրամը իր հիմնական առաքելությունն է համարում[2].

  • նպաստել Հայաստանի Հանրապետության կողմից հավասարակշռված և կառուցողական ներքին ու արտաքին քաղաքականության որդեգրմանն ու իրականացմանը,
  • կանխատեսել և բարձրաձայնել ծագող հիմնախնդիրները, այդ նպատակով` հանրային քննարկումների միջոցով ձևավորել հասարակական տրամադրություններ,
  • հետազոտությունների և վերլուծությունների միջոցով օգտակար լինել կայացվելիք նախաձեռնություններին ու որոշումներին,
  • քաղաքականություն ձևավորողներին ու իրականացնողներին տեղեկացնել Հայաստանի Հանրապետության և նրա շուրջ կատարվող` արտաքինից չերևացող վտանգների, փոփոխությունների և նոր նախաձեռնությունների մասին,
  • նպաստել Հայաստանի Հանրապետության ուժեղ քաղաքացիական հասարակության կայացմանը,
  • հետազոտական, գիտակրթական, տեղեկատվական, հրատարակչական և այլ գործունեությունների միջոցով ներդրում կատարել Հայաստանի Հանրապետությունում մարդկային կայուն զարգացման մեջ, տարածաշրջանային և ազգային հարցերում ընդլայնել մարդկանց իմացության սահմանները,
  • իր հրատարակությունները վերածել արևմտահայերենի և դասական ուղղագրության` նպաստելով արևմտահայերենի տարածմանը և այդ ճանապարհով` հայկական սփյուռքի ավելի լայն ներգրավմանը,
  • իր հրատարակությունները տարածել այլ լեզուներով` նպաստելով Հայաստանի մասին այլ պետությունների հետաքրքրության ընդլայնմանը,
  • առաջ քաշել անկախ և նորարարական գաղափարներ ու հեռանկարներ, որոնք օգտակար կլինեն ՀՀ-ի և հայկական սփյուռքի համար,
  • իր հրատարակություններով նպաստել, որպեսզի սփյուռքյան կազմակերպությունները և անհատները ավելի մեծ ներգրավում և ներդրում ունենան ՀՀ սահմանային համայնքների զարգացման ու բարգավաճման գործում:

Պատմություն[խմբագրել | խմբագրել կոդը]

Հիմնադրամը ստեղծվել է 2014 թվականի հոկտեմբերի 31-ին: Հիմնդրամը ոչ առևտրային կազմակերպություն է, որը հետապնդում է հետազոտական, տեղեկատվական, խորհրդատվական, հրատարակչական, գիտական, կրթական, բնապահպանական, սոցիալական և այլ հանրօգուտ նպատակներ:

Ծանոթագրություններ[խմբագրել | խմբագրել կոդը]