Համազգային մշակութային միության Լիբանանի մասնաճյուղ

Համազգային մշակութային միության Լիբանանի մասնաճյուղ, ՀՄՄ-ի մասնաճյուղը Լիբանանում։

ՀՄՄ-ն Լիբանանում ունի 6 մասնաճյուղ։ Գործում է ՀՀԳ հովանավորությամբ։ Համազգայինի Լիբանանի մասնաճյուղի շրջանային վարչության հովանավորությամբ 1985 թվականից Բուրջ Համուդի Նոր Ադանա թաղամասում գործում է «Լևոն Շանթ» մշակութային կենտրոնը, որն ընդգրկում է «Բարսեղ Կանաչյան» երաժշտանոցը և «Թորոս Ռոսլին» կերպարվեստի ակադեմիան։ 1941 թվականից գործում է «Գասպար Իփեկյան» թատերախումբը։ Ունի «Քնար» (1956 թվականից) և փոքրիկների «Գայանե» պարախմբերը, «Գուսան», «Կարկաչ» երգչախմբերը, «Արեգ» մանկապատանեկան թատերախումբը։

Ծավալում է լայն հրատարակչական գործունեություն, տպագրում հայերեն դպրոցական դասագրքեր։ Կազմակերպում է դասախոսություններ և այլ միջոցառումներ։ Միաժամանակ Համազգայինի կենտրոնական վարչությունը Լիբանանի մասնաճյուղում հովանավորում է «Մելանքթոն և Հայկ Արսլանյան» ճեմարանը։ «Համազգայինի» գրախանութը գտնվում է Բուրջ Համուդի Շաղզոյան մշակութային կենտրոնում, որտեղ տեղակայված են նաև «Ազդակ», «Բագին» պարբերականների խմբագրությունները, ՀՀԳ Հայ դատի գրասենյակը, ՀՄԸՄ որոշ վարչական գրասենյակներ, «Վանաձայն» ռադիոկայանը են։

Արտաքին հղումներ

• Համազգային մշակութային միության պաշտոնական կայք

Այս հոդվածի կամ նրա բաժնի որոշակի հատվածի սկզբանական տարբերակը վերցված է «Հայ Սփյուռք» հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։