Կոլիզեյ (կինոթատրոն, Եկատերինբուրգ)
 | |
|---|---|
 | |
| Տեսակ | կինոթատրոն և ճարտարապետական հուշարձան |
| Երկիր |  Ռուսաստան[1] |
| Տեղագրություն | Եկատերինբուրգ |
| Հասցե | проспект Ленина, 43, Екатеринбург, Свердловская обл., 620075 |
| Առաջին հիշատակում | 1845 |
| Հիմնադրված է | 1845 |
| Ժառանգության կարգավիճակ | Ռուսաստանի մարզային նշանակության մշակութային ժառանգության օբյեկտ[2] |
 | |
 | |
| 56°50′22″N 60°36′38″E / 56.83956°N 60.61067°E | |
«Կոլիզեյ» կինոթատրոն (ռուս.՝ Кинотеатр «Колизей»), երկդահլիճ կինոթատրոն Ռուսաստանի Եկատերինբուրգ քաղաքում։ Քաղաքի ամենահին դահլիճն է։
Կինոթատրոնի շենքը մշակութային ժառանգության օբյեկտ է (գրանցման համար՝ 6600048000)[3]։
Հասցեն՝ Լենինի պողոտա, տուն 43։
Պատմություն
[խմբագրել | խմբագրել կոդը]«Կոլիզեյ» կինոթատրոնի շենքը կառուցվել է 1845 թվականին[4], այնտեղ տեղակայված էր առաջին Քաղաքային թատրոնը[5]։ Թատրոնի քարե շենքը, որը գտնվում է Գլխավոր պողոտայի (այժմ՝ Լենինի պողոտա) և Վոզնեսենսկի պողոտայի (այժմ՝ Կարլ Լիբկնեխտի փողոց) խաչմերուկում, կառուցվել է ճարտարապետ Կ. Ռ. Տուրսկու նախագծով՝ լեռնային պետ, գեներալ Վ. Ա. Գլինկայի նախաձեռնությամբ։
1914 թվականին Քաղաքային թատրոնը վերանվանվել է «Կոլիզեյ» և մինչև հիմա օգտագործվում է որպես կինոթատրոն։ 1917 թվականի հեղափոխությունից հետո կինոթատրոնը վերանվանվել է «Օկտյաբր» («Հոկտեմբեր»)[4]։
Պատմական անունը վերադարձվել է 2002 թվականին։ Վերջին վերակառուցումից հետո կինոթատրոնը «Կինոմաքս Կոլիզեյ» անվամբ վերաբացվել է 2002 թվականին՝ ռուսական կինոյի օրվա առթիվ[4]՝ դառնալով «Կինոմաքս» ցանցում «Պրեմիում» դասի առաջին կինոկենտրոնը։ Կինոկենտրոնի մեծ դահլիճը նախատեսված է 241 տեղի համար, vip-դահլիճը, մատուցողների ծառայության հնարավորությամբ, 30-տեղանի է։ Փոքր դահլիճի տարողությունը 50 նստատեղ է[4]։
2017 թվականին կինոթատրոնն անցել է «Սալյուտ» կինոթատրոնի տնօրինության տակ, օգոստոսից սկսել է նորոգվել, հոկտեմբերի 21-ին վերաբացվել է, աշխատել է որոշ ժամանակ, սակայն տարեվերջին կրկին փակվել է[6]։ Այժմ կինոթատրոնի շենքում կրկին վերակառուցման աշխատանքներ են։ Շենքի ճակատը պետք է վերականգնվի ըստ պատմական բնօրինակի։ Բացվելու են նախկինում փակված լուսամուտատեղերը, վերացվելու է արտաքին գովազդը։ Հատուկ ուշադրություն է դարձվելու շենքի ներսույթին։ Վերաբացումը նախատեսված է 2018 թվականի ամռանը[5]։
Պատկերասրահ
[խմբագրել | խմբագրել կոդը]-
«Կոլիզեյ» կինոթատրոնը պատմական լուսանկարում (մինչև 1917 թվականը) -
«Կոլիզեյ» կինոթատրոնի շենքը երեկոյան -
Շենքի պատին փակցված տեղեկատվական տախտակ
Ծանոթագրություններ
[խմբագրել | խմբագրել կոդը]- ↑ https://ru-monuments.toolforge.org/wikivoyage.php?id=6600048000
- ↑ Решение исполнительного комитета Свердловского областного совета народных депутатов № 16 от 11.01.1980
- ↑ «Здание первого городского театра, в котором на массовых митингах выступал Я.М.Свердлов».
- ↑ 4,0 4,1 4,2 4,3 «Кинотеатр Колизей в Екатеринбурге».
- ↑ 5,0 5,1 «Старейший кинотеатр Екатеринбурга лишится попкорна».(չաշխատող հղում)
- ↑ «В Екатеринбурге «Колизей» снова закрылся, не проработав и месяца». Արխիվացված է օրիգինալից 2017 թ․ նոյեմբերի 13-ին. Վերցված է 2018 թ․ հունիսի 4-ին.