Վանաձորի մորթու-մուշտակի ֆաբրիկա
Վանաձորի մորթու-մուշտակի ֆաբրիկա, խորհրդային և մասնակիորեն՝ հետխորհրդային շրջանի նախկին թեթև արդյունաբերական ձեռնարկություն։ Հիմնադրվել է 1925 թվականին Կիրովականում (այժմ՝ Վանաձոր)։ Սկզբնապես թողարկել է գորգ և օսլա։
Մորթու և մուշտակի զանգվածային արտադրությունը սկսել է 1934 թվականից։ Ունեցել է հումքի նախնական ու վերջնական մշակման, ներկման, ձևման, կարի և այլ արտադրամասեր։
1980 թվականին, 1934 թվականի համեմատ, արտադրանքի ծավալն աճել է 22 անգամ, կազմել 11 միլիոն ԽՍՀՄ ռուբլի։ Թողարկվող արտադրանքի (12 տեսակ) 10%-ն իրացվել է Խորհրդային Հայաստանում, 90%-ը՝ խորհրդային մյուս հանրապետություններում։ Համագործակցել է Մորթու արդյունաբերության համամիութենական ԳՀԻ-ի հետ։
ԽՍՀՄ փլուզումից հետո սեփականաշնորհվել է «ՎԱԲԱ» ՍՊԸ-ի կողմից, որը պատկանում է ՀՀ ԱԺ նախկին հանրապետական պատգամավոր Վահրամ Բաղդասարյանին։ Մասնակիորեն վերագործարկվել է 2002 թվականին (նախկին հզորության 30%-ի չափով)[1]։
2021 թվականի դրությամբ ֆաբրիկայի արտադրական շենքերի մի մասը վերակառուցվել է որպես հանգստյան, հյուրանոցային և ռեստորանային գոտի[2]։
Ծանոթագրություններ[խմբագրել | խմբագրել կոդը]
- ↑ «Վերագործարկվեց Վանաձորի մորթու-մուշտակի ֆաբրիկան». Արմենպրես. 2002 թ․ հոկտեմբերի 3. Վերցված է 2021 թ․ ապրիլի 18-ին.
- ↑ «ՎԱՆԱՁՈՐԻ ՀԱՄԱՅՆՔԱՊԵՏԱՐԱՆԻ ԱՇԽԱՏԱԿԱԶՄԻ ՃԱՐՏԱՐԱՊԵՏՈՒԹՅԱՆ ԵՎ ՔԱՂԱՔԱՇԻՆՈՒԹՅԱՆ ԲԱԺՆԻ 2020 ԹՎԱԿԱՆԻ ԸՆԹԱՑՔՈՒՄ ԿԱՏԱՐԱԾ ԱՇԽԱՏԱՆՔՆԵՐԻ ՎԵՐԱԲԵՐՅԱԼ ՀԱՇՎԵՏՎՈՒԹՅՈՒՆ».
|
Սա Հայաստանի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 8, էջ 54)։ 
|