Կիտրոնամզիչ

Lemon squeezer

Ենթակատեգորիա	juicer
Կիրառությունը	juicing
Կոչվել է ի պատիվ	լիմոն

Կիտրոնամզիչ, խոհանոցային սարք՝ ցիտրուսային մրգերից՝ կիտրոններից, լայմերից, փոքր նարինջներից և այլնից հյութ քամելու համար։ Ի տարբերություն ունիվերսալ հյութաքամիչի, կիտրոնի հյութաքամիչի համար ցիտրուսները կեղևից մաքրելու կարիք չկա, դրանք միայն նախապես կիսում են՝ հատիկների ուղղահայաց։ Որոշ կառուցվածքների մասնագիտական ցիտրուսային հյութաքամիչներում ցիտրուսները կարող են ամբողջությամբ բեռնվել։

Ձեռքի կիտրոնի հյութաքամիչն իրենից ներկայացնում է խորը ափսեի կամ բռնակով գավաթի ձևի տակդիր՝ 9-15 սմ տրամագծով, կողային ծորակով, որի կենտրոնում բարձրանում է սուր ակոսավոր կոն։ Սերմերը պահելու համար ձեռքի կիտրոնի հյութաքամիչը կարող է հագեցած լինել մաղով կամ ծորակում տեղադրված են մի քանի սուր ատամիկներ։ Ձեռքի հյութաքամիչները պատրաստվում են մամլված ապակուց, մետաղից և պլաստմասսայից։ Ձեռքի կիտրոնի հյութաքամիչով հյութ ստանալու համար կիտրոնի կամ նարնջի կեսը հագցնում են կտրվածքով կոնի վրա և պտտում ճնշման տակ դեպի ներքև՝ մինչև մրգամսի լրիվ քամվելը։

Պտտվող կոնաձև գլխիկով էլեկտրական կիտրոնի հյութաքամիչներն աշխատում են նույն սկզբունքով, ունեն ավելի մեծ չափի հյութի հավաքման տարողություն, և երբեմն հագեցած են կափարիչով կամ հատուկ բռնիչով, ինչը ազատում է միրգը ձեռքով սեղմելու անհրաժեշտությունից։ Հյութի արդյունավետ քամման համար որոշ էլեկտրական կիտրոնի հյութաքամիչներ ունեն հերթափոխվող պտույտի ռեժիմ՝ ժամացույցի սլաքի ուղղությամբ և հակառակ։ Բացի այդ, էլեկտրական կիտրոնի հյութաքամիչները կարող են ունենալ տարբեր չափսերի մի քանի փոխարինվող գլխիկներ՝ տարբեր չափսերի պտուղների համար։ Ցիտրուսների համար լծակային մամլիչները լինում են ձեռքի և մեխանիկական և օգտագործման ժամանակ պահանջում են զգալի ֆիզիկական ուժեր։

Գրականություն

• Грачевская О. А. Виды соковыжималок // Соковыжималка и блендер. — М.: РИПОЛ классик, 2013. — С. 6—7. — 128 с. — (Современная кулинария для жизни). — ISBN 978-5-386-06727-7
• Ингерлейб М. Б. Выбор бытовой соковыжималки // Целебные соки. — М.: Эксмо, 2013. — (Хранители здоровья). — ISBN 978-5-699-65181-8