Խտանյութ

Վիքիպեդիայից՝ ազատ հանրագիտարանից
Jump to navigation Jump to search

Խտանյութ, կոնցենտրատ, օգտակար հանածոյի հարստացումից ստացվող նյութ, որն արժեքավոր բաղադրիչի պարունակությամբ գերազանցում է սկզբնանյութը։ Տարբերում են առաջնային, խմբային, վերջնական և կոնդիցիոն խտանյութեր։ Առաջնայինը հանածո-հումքի հիմնական կամ միջանկյալ վերամաքրումից ստացվող, սակայն դեռևս պատրաստի արտադրանք չհանդիսացող խտանյութ է։ Խմբային խտանյութը պարունակում է երկու և ավելի արժեքավոր բաղադրիչներ։ Վերջնական խտանյութը ստացվում է հարստացման ամբողջ ցիկլի վերջում և համարվում հարստացուցիչ ֆաբրիկայի պատրաստի արտադրանք։ Պահանջվող տեխնիկական պայմաններին (արժեքավոր բաղադրիչի և խառնուրդների պարունակություն, խոնավություն և այլն) բավարարող և որպես պատրաստի արտադրանք տրվող խտանյութ անվանում են կոնդիցիոն։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 93 CC-BY-SA-icon-80x15.png