Խոստանում եմ լինել
 | |
|---|---|
| Թվական | 1983 |
| Ռեժիսոր | Վյաչեսլավ Մաքսակով |
| Սցենարի հեղինակ | Վյաչեսլավ Մաքսակով |
«Խոստանում եմ լինել» (ռուս.՝ «Обещаю быть!»), խորհրդային մանկական գեղարվեստական ֆիլմ, որը բեմադրվել է Մանկական և պատանեկան ֆիլմերի կենտրոնական կինոստուդիայում 1983 թվականին։
Ֆիլմը նկարահանվել է մելոդրամայի ժանրում։ Նրա երաժշտական ձևավորումն իրականացվել է Կինեմատոգրաֆիայի պետական սիմֆոնիկ նվագախմբի մասնակցությամբ՝ դիրիժոր Ս. Սկրիպկայի ղեկավարությամբ։
Սյուժե[խմբագրել | խմբագրել կոդը]
Պատմությունը դեռահասների մասին է, ովքեր իրենց ամառային արձակուրդներն անցկացնում են պիոներական ճամբարում և հարաբերություններ են կառուցում միմյանց և իրենց դաստիարակի հետ։
Ըստ սյուժեի՝ գործարանի ղեկավարությունը երիտասարդ Վլադիմիր Կալինինին գործուղում է ամառային մանկական ճամբարում աշխատելու որպես ֆիզկուլտուրայի ուսուցիչ։ Դա նրան դուր է գալիս, և նա փորձում է անկեղծորեն պատասխանել երեխաների հարցումներին։ Ժամանակի ընթացքում նրա հարաբերություններն իր ենթակաների հետ վերածվում են բարեկամության և հետաքրքրություն է առաջանում ճամբարի հասարակական կյանքի նկատմամբ։ Գաղափար է առաջանում պարզել նախկին պիոներական ճամբարի գտնվելու վայրը, որը գոյություն է ունեցել նույնիսկ Հայրենական մեծ պատերազմից առաջ։ Մի շարք արկածներից հետո այդ վայրը գտնվում է, այնուհետև կազմակերպվում է հանդիպում վետերանների հետ, ովքեր պատմում են իրենց մանկության և երիտասարդության ժամանակների մասին[1]։
Դերերում[խմբագրել | խմբագրել կոդը]
Ֆիլմի նկարահանումներին մասնակցել են Վլադիմիր Նոսիկը, Մարիա Վինոգրադովան, Եվգենիա Սաբելնիկովան, Ելենա Ստարոստինան, Վիկտոր Պրոսկուրինը, Բորիս Նովիկովը, Նիկոլայ Վոլկովը, Յուլյա Գորդեևան, Սերգեյ Ելցովը, Ալեքսանդր Ասլանովը, Էլլա Այմալետդինովան, Անտոն Աբրամովը, Ռոմա և Ժենյա Կիժուտինները, Անատոլի Բոգդանովը, Ալեքսանդր Վորոբյովը, Օլգա Դոլնիկովան, Տատյանա Մերզլիկինան, Օլգա Իվաշկինան, Անդրեյ Կարաչինսկին, Մարգարիտա Լոբկոն, Իվան Օխլոբիստինը, Իրինա Շկլյարովան, Ալեքսանդր Սիրինը, Լիլիա Ռոդիոնովան, Ալեքսանդր Վդովինը, Ա. Կալինինան, Նատալյա Կրաչկովսկայան, Վիկտոր Ուրալսկին, Օլգա Գոլուբևան[1]։
Նկարահանող խումբ[խմբագրել | խմբագրել կոդը]
- Ռեժիսոր՝ Վյաչեսլավ Մակսակով
- Սցենարիստ՝ Վյաչեսլավ Մակսակով
- Օպերատոր՝ Կոնստանտին Հարությունով
- Կոմպոզիտոր՝ Վլադիմիր Կոմարով
- Նկարիչ՝ Արսենի Կլոպոտովսկի
Ծանոթագրություններ[խմբագրել | խմբագրել կոդը]
- ↑ 1,0 1,1 Каталог, 1999, Обещаю быть, էջ 263
Աղբյուրներ[խմբագրել | խմբագրել կոդը]
- «Обещаю быть!» // Советские художественные фильмы : Аннотированный каталог (1982—1983). — М. : Современные тетради, 1999. — С. 263. — 368 с. — ISBN 5-88289-130-2.
- «Обещаю быть!» // Домашняя синематека: отечественное кино 1918—1996 / Сергей Землянухин, Мирослава Сегида. — М.: Дубль-Д, 1996. — 520 с. — стр. 292
Արտաքին հղումներ[խմբագրել | խմբագրել կոդը]
- Խոստանում եմ լինել(անգլ.) ֆիլմը Internet Movie Database կայքում
|
