Լյումիեր եղբայրների հուշարձան (Եկատերինբուրգ)
 | |
|---|---|
 Լյումիեր եղբայրների հուշարձանը | |
 | |
 | |
| Տեսակ | հուշարձան |
| Երկիր |  Ռուսաստան |
| Բնակավայր | Եկատերինբուրգ |
| Շինության ձև | Արձանախումբ |
| Ներկա վիճակ | Կանգուն |
Լյումիեր եղբայրների հուշարձան (ռուս.՝ Памятник братьям Люмьер), հուշարձան Ռուսաստանի Դաշնության Եկատերինբուրգ քաղաքում, որը նվիրված է կինեմատոգրաֆիայի գյուտարարներ Լյումիեր եղբայրներին։ Տեղադրվել է «Կոսմոս» կինոհամերգային թատրոնի շենքի առջև, Քաղաքային լճակի ափին, քաղաքի Երկաթուղային շրջանում։
Պատմություն
[խմբագրել | խմբագրել կոդը]Լյումիեր եղբայրների հուշարձանի տեղադրումը նվիրված էր միանգամից մի քանի տարեթվերի. Եկատերինբուրգի Քաղաքի օրվան, Ռուսական կինոյի օրվան, Օգյուստ Լյումիերի 150-ամյակին և «Կոսմոս» կինոհամերգային թատրոնի բացման 45-ամյակին, որն էլ եղել է հուշարձանի պատվիրատուն։
Հուշարձանի հեղինակն է Դիանա Կոսիգինան, որի նախագիծը 2011 թվականի աշնանը երկրորդ տեղն է զբաղեցրել «Եկատերինբուրգ քաղաքի ճարտարապետական փոքր ձևեր. դեկորատիվ քանդակագործություն և ճարտարապետական ձևեր» մրցույթում, որն անցկացվել է ճարտարապետների, դիզայներների, ճարտարապետական և դիզայներական բյուրոների մասնագետների միջև։
Քանդակագործական հորինվածքը ձուլվել է բրոնզից գրեթե բնական չափսերով և տեղադրվել հենց մայթին առանց որևէ պատվանդանի։ Եղբայրների պատկերաքանդակների կողքին տեղադրված է նրանց գյուտը` կինոխցիկը, ինչպես նաև դրված է դատարկ աթոռ` լուսանկարվել ցանկացողների համար։
Հուշարձանի բացման հանդիսավոր արարողությունը տեղի է ունեցել 2012 թվականի օգոստոսի 27-ին, որին մասնակցել են Եկատերինբուրգի վարչակազմի ղեկավար Ալեքսանդր Յակոբը, Եկատերինբուրգի մշակույթի վարչության պետ Տ. Յարոշևսկայան և Եկատերինբուրգում Ֆրանսիայի գլխավոր հյուպատոս Պիեռ Ֆիլատոֆֆը։
Պատկերասրահ
[խմբագրել | խմբագրել կոդը]-
Լյումիեր եղբայրների հուշարձանը, հետին պլանում «Կոսմոս» կինոհամերգային թատրոնի շենքն է
.jpg)
Աղբյուրներ
[խմբագրել | խմբագրել կոդը]- «История: год назад в Екатеринбурге появился памятник братьям Люмьер». Информационный портал Екатеринбурга. 2013 թ․ օգոստոսի 27. Վերցված է 2014 թ․ ապրիլի 5-ին.
- «Сегодня в Екатеринбурге открыли памятник братьям Люмьер». Комсомольская правда. 2012 թ․ օգոստոսի 27. Վերցված է 2014 թ․ ապրիլի 5-ին.
- «Памятник братьям Люмьер украсит в Екатеринбурге набережную городского пруда у киноконцертного театра «Космос»». Uralpress.ru. 2012 թ․ օգոստոսի 14. Արխիվացված է օրիգինալից 2014 թ․ ապրիլի 7-ին. Վերցված է 2014 թ․ ապրիլի 5-ին.