Լիդա Վարակսինա
| Լիդա Վարակսինա | |
|---|---|
| Հեղինակ | Վիլ Լիպատով |
| Հրատարակչություն | Մոլոդայա գվարդիա |
| Հրատարակվել է | 1968 |
«Լիդա Վարակսինա» (ռուս.՝ «Лида Вараксина»), ռուս խորհրդային գրող Վիլ Լիպատովի վիպակը[1], որը հրատարակվել է 1968 թվականին։
Պատմություն[խմբագրել | խմբագրել կոդը]
Վիպակն առաջին անգամ հրատարակվել է 1968 թվականին «Զնամյա» ամսագրում (№ 12)։ 1970 թվականին հրատարակվել է «Հեքիաթ տնօրեն Պրոնչատովի մասին» (ռուս.՝ «Сказание о директоре Прончатове», Մոսկվա, «Молодая гвардия», 1970) գրքում։
«Լիդա Վարակսինա» վեպը «Հեքիաթ տնօրեն Պրոնչատովի մասին» ստեղծագործության հետ միասին դարձել է 1960-ականների վերջի ռուսական արձակի կարևոր երևույթ։ Լիդա Վարակսինայի մեջ հեղինակը ցույց է տվել ուսումնարանում իր սովորած ֆորմալ ճշմարտությունների և գյուղացի աղջկա ներաշխարհի միջև հակասությունը, որը նա ճնշում է։
Սյուժե[խմբագրել | խմբագրել կոդը]
Վիպակի գործողությունները տեղի են ունենում Չուլիմ գետի ափին գտնվող սիբիրյան Յայա գյուղում։
Գյուղացի աղջիկ Լիդա Վարակսինան քաղաքում ավարտել է մշակույթի ուսումնարան և եկել է գյուղում աշխատելու որպես ակումբի վարիչ։ Քաղաքում նա փորձել է ընդօրինակել քաղաքային բնակիչների կենսակերպը։ Գեղեցիկ իր ձեռք բերելու համար նա աշխատում է հորեղբոր մոտ, մաքրում է տունը, բեռնաթափում վագոնները... Լիդան գյուղում փորձում է ակտիվացնել գյուղի մշակութային աշխատանքը, ինչպես ուսումնարանում նրան սովորեցրել է իր սիրելի ուսուցիչը։ Նա փորձում է նրբագեղ հագնվել՝ հաշվի առնելով ժամանակակից նորաձևությունը, ակումբում կազմակերպում է պարեր, կինոսեանսներ, քաղաքական տեղեկատվություն է տարածում խոտհարքի ժամանակ։ Միաժամանակ նա զգում է, որ կրթություն ստանալու հետ սկսել է տարբերվել գյուղի բնակիչների մեծամասնությունից։ Լիդային թվում է, որ իրեն սիրահարված տրակտորիստ Վիտկան հարմար զույգ չէ իր համար։ Փոխարենը Լիդան անհաջող փորձում է անձնական հարաբերություններ հաստատել տեղի պատմության ուսուցչի հետ՝ համարելով, որ այժմ հենց նրա հետ ավելի շատ ընդհանրություններ ունի ինքը։ Երբ Լիդան հասկանում է, որ ուսուցչին ավելի մոտ է քաղաքից ժամանած ուսանողուհին, նա վիշտը խեղդում է հունձ անելով, որը պարզ գյուղական զբաղմունք է, և որով ինքը զբաղվել է մանկուց։
Կերպարներ[խմբագրել | խմբագրել կոդը]
- Լիդա Վարակսինա - գյուղական ակումբի ղեկավար
- Վիտկա Վդովին - տրակտորիստ
- Իվան Իվանիչ Պասեկունով - կոլխոզի պահակ
- Լարիսա - Լիդայի համակուրսեցին ուսումնարանում
- Վլադիմիր Սադովսկի - ուսանող, դպրոցի տնօրենի որդին
- Մորաքույր Ֆրոսյա - Լիդայի տանտիրուհին
- Պավել Գավրիլովիչ - նրա ամուսինը
- Մորաքույր Վարվառա - խոհարար խոտհարքի տեղում
- Սերգեյ Սերգեևիչ - բրիգադիր
- Վադիմ Սերգեևիչ - պատմության ուսուցիչ
- Լալկա Ստուպինա - երիտասարդ կոլտնտեսուհի
Մատենագիտություն[խմբագրել | խմբագրել կոդը]
- Виль Липатов. Смерть Егора Сузуна. Лида Вараксина. И это всё о нём // Собрание сочинений в четырёх томах. Том 3.— М. : Молодая гвардия, 1984.— С. 85—136.
Ծանոթագրություններ[խմբագրել | խմբագրել կոդը]
Արտաքին հղումներ[խմբագրել | խմբագրել կոդը]
- Александр Макаров, Михаил Синельников. Острота социального зрения.
- Виль Липатов. Собрание сочинений в четырёх томах. Том 1.— М. : Молодая гвардия, 1982.— С. 5—34.