Ընդօրինակում

Ընդօրինակում (իմիտացիա), որևէ մարդու օրինակին հետևելը, որն արտահայտվում է նրա վարքը (շարժումները, գործողությունները, արարքները, անգամ արտահայտիչ դրսևորումները ), խոսքի և անձի առանձնահատկությունները ընկալելու և կրկնելու ձևով։

Նորածին մակական նմանակում է լեզվի շարժումները

Որևէ մեկին, ինչ-որ բանի նմանակում, վերարտադրում, կրկնություն, կեղծում, երաժշտության մեջ՝ բազմաձայն երաժշտական ստեղծագործություններում որևէ ձայնում շարադրված մեղեդային կառուցվածքի (թեմայի) անմիջական կրկնությունը մեկ այլ ձայնում։ Իմիտացիաները միմյանցից տարբերակվում են սկսող և նմանակող ձայների դիրքային, ինտերվալային և ժամանակային հարաբերությամբ։ Նմանակող ձայնում թեման հանդես է գալիս անփոփոխ, տարբերակված կամ զգալի ձևափոխված։ Իմիտացիան երաժշտական թեմատիկ նյութի պոլիֆոնիկ զարգացման, ինչպես նաև պոլիֆոնիկ ձևերի կառուցման կարևորագույն միջոցներից է։

Տեսակներ

Կարող է լինել՝

• գիտակցված
• չգիտակցված
• մասնակի
• լրիվ

Ընդօրինակումն ավելի լրիվ է ու հետևողական այն դեպքում, երբ ընդօրինակողը հոգեբանական նույնացում (իդենտիֆիկացիա) և էմպաթիա է ապրում օրինակ հանդիսացող անձի հետ։

Աղբյուրներ

• Նալչաջյան Ա. Ա. (1984 թ.). Հոգեբանական բառարան (Լույս ed.). Երևան. էջ 240 էջ.

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 4, էջ 325)։