Թանով

Վիքիպեդիայից՝ ազատ հանրագիտարանից
Jump to navigation Jump to search
Picto infobox mets.png
Թանով

Թանով, թանով, թանապուր, սպաս, հայկական խոհանոցի ուտեստներ։ Դրա պատրաստման ժամանակ ձուն հարում են ալյուրի հետ, հետո ավելացնում են թթվասեր և մածուն, որը խառնում են ջրի հետ՝ 1:2-ի հարաբերակցությամբ։ Խառնուրդը, մարմանդ կրակի վրա, հասցնում են եռման աստիճանի՝ մշտապես խառնելով՝ մակարդումից խուսափելու համար։ Ցորենի ձավարը եփում են մինչև պատրաստ լինելը և ավելացնում են եռացող ապուրի մեջ։ Ապուրի մեջ ավելացնում են նաև սոխառած,մանր կտրատած կանաչի՝ համեմ, երբեմն էլ՝ անանուխ[1]։

Թանովի զանգեզուրյան տեսակը պատրաստվում է թանից, որին նախապես ջուր են ավելացնում և այն հասցնում թթվասերի խտության աստիճանի։ Կան նաև բազուկի տերևներից, կաղամբից սպասի պատրաստման տարբերակներ։ Մատուցում են տաք կամ սառը վիճակում։ Ուտեստը լայնորեն տարածված է ողջ Հայաստանով և Արցախով։ Սպասը մինչ օրս էլ ուտում են ինչպես պահքի ժամանակ, այնպես էլ տարվա ցանկացած եղանակի, քանի որ այն դժվար չէ պատրաստել։

Գրականության մեջ[խմբագրել | խմբագրել կոդը]

  • Իսկ մաման, որ տասը ծին է անցրել և լիմոնի սմքած կճեպ դարձել, մաման, որ իր օրում ավտո դեռ տեսած չէր, շատ էլ չէր վռազում, թանով էր խառնում։ Ակսել Բակունց, «Իվան բեյը»
  • Սիմոն ապեր,− դարձավ նա մի կարճահասակ ալևորի, որին սեղմել էին անկյունը,− դու էստեղ ի՞նչ գործ ունես։ Քո թայերը թանովը կերել են, երազ են տեսնում։ Ակսել Բակունց, «Կարմրաքար»
  • - Հա, եթե բերանդ օրերով բան չդնես, համ խաղ է, համ պար է: Պա՛հ-պա՛հ-պա՛հ, տես ինչ թանով եմ եփել, թարխունով, ռեհանով,- Շամամը ափսեին փչելով, ծերունու չեմուչեմին ուշք չդարձնելով, զոռով մի երկու գդալ թանապուր կերցրեց: Կոմիտաս Դանիելյան, Գյուղական խճանկար

Ծանոթագրություններ[խմբագրել | խմբագրել կոդը]

Գրականություն[խմբագրել | խմբագրել կոդը]

    • Книга о национальной армянской пище. п/ред. Л.Арутюнян. Ереван, Армгиз, 1950, стр.39.