Եզնիկ Մոզյան արհեստագործական ուսումնարան

«Եզնիկ Մոզյան արհեստագործական ուսումնարան» հիմնադրամ
Հապավում	ԵՄԱՈՒ
Տեսակ	Ուսումնարան
Միջազգային անվանում	Ecole Professionnelle Yeznig Mozian
Կարգախոս	Դարձի՛ր աշկերտ...Շենացրու՛ երկիրդ...
Հիմնադրված է	2015 թ.
Հիմնադրիր	1. Արցախի Հանրապետություն՝ ի դեմս Արցախի Հանրապետության կառավարության 2. Ֆրանսիայի Հայկական Հիմնադրամ 3. Եզնիկ Մոզյանի ընտանիքի ներկայացուցիչ
Երկիր	Արցախ
Տեղագրություն	ք. Ստեփանակերտ
Հասցե	Նաբերեժնայա 3-րդ նրբանցք, 35/12
Կայք	epym.info

Եզնիկ Մոզյան արհեստագործական ուսումնարան (հակիրճ՝ «ԵՄԱՈւ») Արցախի Հանրապետությունում գործող ուսումնական հաստատություն է։ Հիմնադրվել է 2015 թվականին Շուշի քաղաքում։

Ուսումնարանը կառուցվել է ֆրանսահայ բարերար Եզնիկ Մոզյանի կտակած գումարներով և կրում է նրա անունը։ Եզնիկ Մոզյանը (1916–2009)` ֆրանսահայ մեծ բարերար և հայրենասեր, բազմաշնորհ արհեստավոր-վարպետ էր, ով իր ողջ կարողությունը կտակել է Ֆրանսիայի Հայկական Հիմնադրամին` Շուշիի արհեստագործական ուսումնարանի կառուցումն ու գործունեությունն ապահովելու համար։

2015թ․ սեպտեմբերի 19-ին Արցախի Հանրապետության Շուշի քաղաքում բացվեց Եզնիկ Մոզյանի անվան արհեստագործական ուսումնարանը և իրականություն դարձավ մեծն արհեստավորի երազանքը։

Պատերազմից հետո ուսումնարանը հանգրվանել է Ստեփանակերտում՝ նոր հասցեում։

Ունի ֆրանսիական նմամանտիպ հաստատությունների կառուցվածքը։

«ԵՄԱՈՒ» հիմնադրամի հիմնական առաքելությունն է ապահովել Արցախի և Հայաստանի երիտասարդների համար ժամանակակից ամենաարդյունավետ ուսումնական մեթոդներով լիարժեք մասնագիտական կրթություն։

Արտադրական ուսուցման վարպետները վերապատրաստվել են Ֆրանսիայում։

Ուսումնարան կարող են ընդունվել 9-րդ դասարանն ավարտած 14-15 տարեկան աղջիկները և պատանիները։

Ուսումնարանն ապահովում է անվճար կրթություն, աշկերտները ստանում են կրթաթոշակ, ապահովված են լինելու հանրակացարանով, ճաշարանով, գրադարանով, մարզասրահով, տրանսպորտով, հատուկ համազգեստով, ժամանակակից սարքավորումներով և գործիքներով:Ուսումնարանում սովորելու ընթացքում աշկերտները ապահովվում են աշխատանքով։Եռամյա կրթություն ստանալուց հետո ուսումնարանի աշկերտները ստանում են պետական նմուշի դիպլոմ։

Ուսումնարանի կարգախոսն է «Դարձի՛ր աշկերտ...Շենացրու՛ երկիրդ..»։

։

Մասնագիտություններ

1. Փայտամշակման արտադրությունների սարքավորումների շահագործում և տեխնոլոգիա
2. Ջերմաէներգետիկ սարքավորումների և ջերմային ցանցերի տեխնիկական շահագործում
3. Էլեկտրասարքավորումների տեխնիկական շահագործում
4. Եռակցման աշխատանքների տեխնոլոգիա
5. Վերանորոգման աշխատանքների իրականացում
6. Հարդարման շինարարական աշխատանքների իրականացում
7. Խոհարարական գործ

Պատկերասրահ

• 
  Վարպետաշկերտ-125.org.jpg Խոհարարական գործ
• 
  Արևային համակարգ-12.o8g.jpg Համակարգչային սենյակ
• 
  Ճաշարան-օգոստոս21.org.jpg Ճաշարան
• 
  Salled'ordinateurs-987987.org.jpg Համակարգրային սենյակ