Գծատարում

Գծատարում, օգտակար հանածոների կամ դատարկ ապարների փոխադրումը վագոնիկներով հորիզոնական կամ թեք ստորգետնյա հանքափորվածքների ռելսուղիներով, ինչպես նաև երկրի մակերևույթի վրա՝ հանքային ձեռնարկության սահմաններում։ Լինում է՝

• լոկոմոտիվային
• ճոպանային
• ձեռքի

Լոկոմոտիվայինը կատարվում է հպումային կամ կուտակիչային, էլեկտրաքարշային, դիզելաքարշային և այլ եղանակներով, իսկ ճոպանայինը՝ վերջավոր և անվերջ ճոպանների օգնությամբ։ Ձեռքի գծատարում կիրառվում է վագոնիկը ոչ մեծ հեռավորությունների վրա հրելով տեղափոխելու համար։ Լոկոմոտիվային և ձեռքի գծատումը կիրառվում է հորիզոնական, իսկ ճոպանայինը՝ նաև թեք փորվածքներում։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 3, էջ 107)։