Գառնիկ Կարապետի Ղանդիլյան
- Վիքիպեդիայում կան հոդվածներ Ղանդիլյան ազգանունով այլ մարդկանց մասին։
| Գառնիկ Կարապետի Ղանդիլյան | |
|---|---|
| Ծննդավայր | Հայաստան, Շիրակի մարզ |
| Մահվան վայր |  Արցախ, Կարմիր շուկա |
| Քաղաքացիություն |  Հայաստան |
| Ծառայության տարիներ | 2019 - 2020 |
| Մարտեր/ պատերազմներ | Արցախա-ադրբեջանական պատերազմ |
| Պարգևներ | Արցախի «Մարտական ծառայություն» մեդալ |
Գառնիկ Կարապետի Ղանդիլյան (օգոստոսի 23, 2001, Գյումրի - նոյեմբերի 10, 2020, Կարմիր շուկա, Արցախի պաշտպանության բանակի զինծառայող[1]։
Կենսագրություն[խմբագրել | խմբագրել կոդը]
Կյանք և ուսում[խմբագրել | խմբագրել կոդը]
Ծնվել է 2001 թվականի օգոստոսի 23-ին Գյումրիում՝ Կարապետ և Հռիփսիմե Ղանդիլյանների ընտանիքում։ Ունի կրտսեր քույր և եղբայր՝ Քնարիկ և Վարդան Ղանդիլյանները։
2008 թվականից սովորել է Գյումրու 38 հիմնական դպրոցում, 2015 թվականին տեղափոխվել է Գյումրու օլիմպիական հերթափոխի պետական մարզական քոլեջ՝ որտեղ նաև հաճախել է ձյուդոյի։ Ունի 7 մեդալ, և բազմաթիվ պատվոգրեր[2]։
Զինվորական ծառայություն[խմբագրել | խմբագրել կոդը]
Գառնիկ Ղանդիլյանը պարտադիր ժամկետային զինծառայության է անցել 2019 թվականի ձմեռային զորակոչով Գյումրու Զինկոմիսարիատից։ 2019 թվական դեկտեմբերի 16-ին զորակոչվել է բանակ։ Ծառայում էր Արցախում։
Արցախյան պատերազմ[խմբագրել | խմբագրել կոդը]
2020 թվականի Սեպտեմբերի 27-ի վաղ առավոտյան, Ադրբեջանի Հանրապետությունը լայնամասշտաբ հարձակում է գործել արցախա-ադրբեջանական հակամարտ զորքերի շփման գծի ամբողջ երկայնքով։ 44օր շարունակ Գառնիկը համառ մարտեր է մղել թշնամու հետ։ Վարորդ էր՝ պատերազմի ողջ ընթացքում ապահովել է անհրաժեշտ բոլոր պարագաներով՝ սնունդով, հագուստով, զինամթերքով, վիրավորներին տեղափոխել հիվանդանոցներ։ Անմահացել է 2020 թվականի նոյմբերի 10-ին, հրադադարի ընդունումից ժամեր հետո։
Հուղարկավորություն[խմբագրել | խմբագրել կոդը]
2020 թվականի Նոյեմբերի 13-ին տեղի է ունեցել Գառնիկ Ղանդիլյանի հուղարկավորությունը, զինվորական կարգով, Հերոսին հողին են հանձնել Շիրակի զինվորական պանթեոնում։
Պարգևներ և հիշատակում[խմբագրել | խմբագրել կոդը]
2021 թվականի փետրվարի 15-ին, Գառնիկ Ղանդիլյանը՝ հակառակորդի սանձազերծած լայնածավալ ռազմական գործողությունների ընթացքում Արցախի Հանրապետության պետական սահմանները պաշտպանելիս ցուցաբերած արիության ու խիզախության համար՝ հետմահու պարգևատրվել է «Մարտական ծառայություն» մեդալով։
Ծանոթագրություններ[խմբագրել | խմբագրել կոդը]
- ↑ https://www.youtube.com/watch?v=gYwyCS1907A.
{{cite web}}: Missing or empty|title=(օգնություն) - ↑ https://web.archive.org/web/20210410183702/https://galatv.am/hy/2927600/. Արխիվացված է օրիգինալից 2021 թ․ ապրիլի 10-ին. Վերցված է 2021 թ․ մարտի 19-ին.
{{cite web}}: Missing or empty|title=(օգնություն)