Բաց ծով

Վիքիպեդիայից՝ ազատ հանրագիտարանից
Jump to navigation Jump to search
International waters.svg

Բաց ծով, ծովամերձ երկրների առափնյա ջրային տարածություններից դուրս գտնվող, միջազգային ազատ օգտագործման ծովային տարածությունները։ Բաց ծովի իրավիճակը շոշափում է աշխարհի բոլոր պետությունների ու ժողովուրդների կենսական շահերը։ Այն կարգավորվում է Ժնևի 1958 թվականի ապրիլի 29-ի կոնվենցիայով։ Բաց ծովի ազատությունը նախատեսում է նավագնացության, ձկնորսության, ստորջրյա կաբելներ և խողովակաշարեր անցկացնելու և այդ տարածությունների վրայով թռչելու ազատություն։ Բաց ծովերում պետությունները պարտավոր են գործել՝ հարգելով մյուսների շահերը։ Բաց ծովից օգտվելու իրավունքը հավասարապես վերաբերում է նաև ծովափ չունեցող պետություններին։ Բաց ծովի իրավական ռեժիմը կարգավորվում է նաև առանձին միջազգային համաձայնագրերով։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png