Արտուշ Արզումանյան

Վիքիպեդիայից՝ ազատ հանրագիտարանից
Jump to navigation Jump to search
Արտուշ Արզումանյան
Դիմանկար
Ծնվել էապրիլի 17, 1979(1979-04-17)
ԾննդավայրԳորիս, Հայկական ԽՍՀ, ԽՍՀՄ
Մահացել էհոկտեմբերի 28, 2020(2020-10-28) (41 տարեկան)
Մահվան վայրԱրցախ
ՔաղաքացիությունFlag of Armenia.svg Հայաստան
Մասնագիտությունռազմական գործիչ

Արտուշ Արարատի Արզումանյան (ապրիլի 17, 1979(1979-04-17), Գորիս, Հայկական ԽՍՀ, ԽՍՀՄ - հոկտեմբերի 28, 2020(2020-10-28), Արցախ), ՀՀ զինված ուժերի սպա, կապիտան[1]։

Կենսագրություն[խմբագրել | խմբագրել կոդը]

Ծնվել է 1979 թվականին Գորիս քաղաքում։ Սովորել է Գորիսի թիվ 5 միջնակարգ դպրոցում, որից հետո ուսումը շարունակել է Գորիսի պետական քոլեջում և Երևանի Մեսրոպ Մաշտոցի անվան համալսարանում։ 1997-1999 թվականներին անցել է ժամկետային զինծառայության։ 1999 թվականից ծառայության է անցել Հայաստանի N զորամասում։

2015 թվականին սովորել է Երևանի Վազգեն Սարգսյանի անվան ռազմական ինստիտուտում և ստացել լեյտենանտի կոչում։ 2016 թվականին եղել է N զորամասի ՀՊՂԴ հրամանատար։

Մասնակցել է Քառօրյա պատերազմին[2], որից հետո նշանակվել է վաշտի հրամանատար։ 2017 թվականին եղել N զորամասի պարենային ծառայության պետ։ Մեկ տարի անց ստացել է ավագ լեյտենանտի զինվորական կոչում և նշանակվել սպառազինության գծով հրամանատարի տեղակալ։ Կապիտանի զինվորական կոչումը ստացել է 2019 թվականին։

Մահացել է 2020 թվականի հոկտեմբերի 28-ի գիշերը` Հայ-ադրբեջանական պատերազմի ժամանակ՝ զինամթերք տեղափոխելիս[3]։

Հուղարկավորվել է Եռաբլուր զինվորական պանթեոնում։

Ընտանիք[խմբագրել | խմբագրել կոդը]

Եղել է ամուսնացած, ունի երեք որդի։ Կինը որպես բուժքույր մասնակցել է Քառօրյա և 2020 թվականի հայ-ադրբեջանական պատերազմներին։

Պարգևներ[խմբագրել | խմբագրել կոդը]

  • «Անբասիր ծառայության առաջին աստիճանի» մեդալ, (2006)
  • «Անբասիր ծառայության երկրորդ աստիճանի» մեդալ, (2013)
  • «Դրաստամատ Կանայանի» մեդալ, (2016)
  • «Հայաստանի Երկրապահ հուշամեդալ», (2017)
  • «ՀՀ Զինված Ուժեր 20 տարի հոբելյանական մեդալ», (2017)
  • «Անբասիր ծառայության երրորդ աստիճանի» մեդալ (2019)։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]