Առանց նախապաշարմունքների կինը

Վիքիպեդիայից՝ ազատ հանրագիտարանից
Jump to navigation Jump to search
Առանց նախապաշարմունքների կինը
Женщина без предрассудков
Տեսակգրական ստեղծագործություն
Ժանրպատմվածք
ՀեղինակԱնտոն Չեխով
Բնագիր լեզուռուսերեն
Հրատարակությունփետրվարի 10, 1883

«Առանց նախապաշարմունքների կինը» (ռուս.՝ Женщина без предрассудков), Անտոն Պավլովիչ Չեխովի պատմվածքը: Առաջին անգամ հրապարակվել է 1883 թվականի փետրվարի 10-ին մոսկովյան «Հանդիսատես» կատակերգական, պատկերազարդ ամսագրում՝ Ա. Չեխոնտե կեղծանվամբ[1]: Հետագայում այն թարգմանվել է տարբեր լեզուներով:

Բովանդակություն[խմբագրել | խմբագրել կոդը]

Երեսնամյա պետական ծառայող Մաքսիմ Կուզմիչ Սալյուտովը սեր է խոստովանում Ելենա Գավրիլովնա անվամբ համակրելի կնոջը: Վերջինս պատասխանում է նրան փոխադարձաբար: Հարսնացուի ծնողները, որոնք հարուստ և պատվավոր մարդիկ են, տալիս են իրենց համաձայնությունը նրանց ամուսնության վերաբերյալ: Մինչև ամուսնական գիշերը Մաքսիմ Կուզմիչը պետք է մի խոստովանություն անի իր ընտրյալին, որ ինքն արժանի չէ նրա սիրուն, քանի որ քսան տարեկանում աշխատել է կրկեսային ծաղրածու: Նորաթուխ կինը, ծիծաղելով, նրանից ապացույցներ է պահանջում: Ամուսնական գիշերվա առավոտյան Ելենա Գավրիլովնայի անհանգստացած ծնողները նորապսակների սենյակից ահավոր աղմուկ են լսում: Վրդովված ծնողները ոչինչ չեն հասկանում այդ աղմուկից, Ելենա Գավրիլովնայի հայրը մոտենում է նրանց սենյակին և ականատես լինում, թե ինչպես է իր փեսան ուրախ զբաղվում մամնամարզությամբ, իսկ Ելենան գտնվելով լիակատար հիացմունքի և երջանկության մեջ՝ ծափահարում է նրան:

Էկրանացում[խմբագրել | խմբագրել կոդը]

Չեխովի այս պատմվածքի մոտիվներով ռեժիսոր Ալեքսանդր Կաուրիխի կողմից 2006 թվականին նկարահանվել է Ջոկեր ֆիլմը[2]:

Ծանոթագրություններ[խմբագրել | խմբագրել կոդը]

  1. «ФЭБ: Долотова и др. Примечания: Чехов. ПСС. Т. 2. — 1975 (текст)»։ feb-web.ru։ Վերցված է 2017-10-08 
  2. «http://filmjoker.com/» (ռուսերեն)։ filmjoker.com։ Վերցված է 2017-10-08