Ամֆիբիա

Ամֆիբիա, մարտական կամ տրանսպորտային մեքենա, որը կարող է շարժվել ինչպես ցամաքով, այնպես էլ ջրով (տանկ, զրահափոխադրիչ, ավտոմոբիլ, ինքնաթիռ)։

Ամֆիբիա տանկ[խմբագրել | խմբագրել կոդը]

Տանկ՝ զրահափոխադրիչ ամֆիբիայի լողունակությունն ապահովվում է հերմետացված իրանի անհրաժեշտ ջրատարողությամբ։ Ջրի վրայով շարժվում է թիապտուտակների, թրթուրավոր շղթաների (թրթուրավոր մեքենաևերի համար), ջրացայտի օգնությամբ։

Ավտոմոբիլ[խմբագրել | խմբագրել կոդը]

Ավտոմոբիլ՝ ամֆիբիան օգտագործվում է ցամաքով և ջրով մարդիկ է բեռներ փոխադրելու համար։ Ամֆիբիան ունի բարձր անցունակության ավտոմոբիլի բոլոր ագրեգատները, իսկ ջրով շարժվելու համար՝ նավակի կամ կամրջանավի տիպի հերմետիկ թափք, թիապտուտակ. ջրաղեկ, ալիքները ետ մղող վահան ևն։ Այդպիսի ավտոմոբիլի ջրի վրայով շարժվելու արագությունը 15-20 կմ/ժ է։

Ինքնաթիռ[խմբագրել | խմբագրել կոդը]

Ինքնաթիռ՝ ամֆիբիան թռչող նավակի ձև ունեցող հիդրոինքնաթիռ է, որն ունի նաև ցամաքի վրա վայրէջք կատարելու շասսի։

Օդասահնակ ամֆիբիա[խմբագրել | խմբագրել կոդը]

Օդասահնակ ամֆիբիա, որի դահուկներով թափքը փոխարինված է նավակ-դահուկով՝ ոչ միայն ձյան, այլև ջրի ու սառույցի վրայով շարժվելու համար։

Արտաքին հղումներ[խմբագրել | խմբագրել կոդը]

Վիքիպահեստն ունի նյութեր, որոնք վերաբերում են «Ամֆիբիա» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 1, էջ 337)։